吉吉點 (已結業)

星期日的下午，又系同大宝四出揾食的时间。谂起好耐都无一盅两件，就去左呢间观塘区几出名既新式点心店试下。吉吉点位于观塘裕民坊上面的某条巷仔，对于唔系住观塘既细宝黎讲，拎住Google map都揾左一阵，第一个感觉系，果然好隐世！对食物质素既期待感高左！入到店，见到店内位置都几迫，无计啦，香港地寸金尺土，好彩客人唔算多，如果唔系，都应该会几迫。首先系蜜瓜脆脆卷，颜色好靓，闻落好香。食落口第一个感觉，好脆，但系濑野，劲油啊！好明显系炸完无吸好油就上碟，同埋明明系炸既，入面馅料完全唔热，外面脆但内里未够热蜜瓜味好假，过甜，同大宝一人食左一旧就再食唔到落去，差评凤爪几入味，可能无豆豉，食落无咁惹味。当第一件入口既蜜瓜脆脆卷令我大失所望之后，已经对吉吉点既点心无晒期望。呢个虾肠鲜虾好爽口，肠粉够晒皮薄，但系！点心最基本既野都做唔到！佢唔热架！！只系微暖！一间主力食点心既铺头，竟然连最最最基本既热辣辣点心都做唔到当日仲食左其他香口野既，谂住差极有限啦，点知粉浆多过饀，真系宁愿唔食仲有，光顾当日撞岩听到厨房师傅同楼面员工嗌交，由厨房嗌到出楼面，客少都唔系咁样当啲客无到好明显对出品同运作都无好好管理，真