影片
更多
2018-10-27
891 浏览
荃湾真系有好多好野食，今日同事提议去饮茶试下小店嘅点心，为食嘅我哋当然举手去啦﹗1点去到，全店满座，等咗约15分钟就入得，店子细细，所以坐得好紧密。小店标榜即叫即蒸，而点心纸上每样点心价钱可以话系物超所值，点解﹖睇落去就知﹗大师兄脆竹肠 ($28) - 卖相精致，一咬落去油炸鬼好脆，入面仲有好多馅料，有木耳、红萝卜丝、肉碎等，口感好丰富﹗必食﹗避风塘炒萝卜糕 ($25) - 好香﹗萝卜丝刨到好幼细，唔会觉得好粉，而且每边都煎到㶶边，辣辣哋，好惹味﹗原只鲜虾肠 ($26) - 好耐无见过咁晶莹剔透嘅肠粉，好靓，食落仲好滑，好似会SIR落去咁，虾都好大只兼爽口﹗蒜蓉虾春卷 ($20) - 春卷皮脆卜卜，入面有粟米加虾，好香口﹗沙嗲金钱肚 ($24) - 味道好浓，牛肚好嫩滑，一D都唔韧﹗酥炸鱿鱼须 ($32) - 炸浆一D都唔厚，鱿鱼须条条都好大条，但有D韧，好难咬得开﹗大师兄虾饺皇 ($16) - 可以话系皮薄馅靓﹗鲜虾只只都咁大只﹗皮唔干，入面唔会干争争，仲好JUICY﹗顺便讲埋蟹籽鲜虾烧卖皇 ($16)，猪肉加埋虾搅埋一齐，扎实唔松散，又系非常JUICY，但SORRY，张相唔见咗﹗灌
1点去到，全店满座，等咗约15分钟就入得，店子细细，所以坐得好紧密。小店标榜即叫即蒸，而点心纸上每样点心价钱可以话系物超所值，点解﹖睇落去就知﹗
大师兄脆竹肠 ($28) - 卖相精致，一咬落去油炸鬼好脆，入面仲有好多馅料，有木耳、红萝卜丝、肉碎等，口感好丰富﹗必食﹗
避风塘炒萝卜糕 ($25) - 好香﹗萝卜丝刨到好幼细，唔会觉得好粉，而且每边都煎到㶶边，辣辣哋，好惹味﹗
原只鲜虾肠 ($26) - 好耐无见过咁晶莹剔透嘅肠粉，好靓，食落仲好滑，好似会SIR落去咁，虾都好大只兼爽口﹗
蒜蓉虾春卷 ($20) - 春卷皮脆卜卜，入面有粟米加虾，好香口﹗
沙嗲金钱肚 ($24) - 味道好浓，牛肚好嫩滑，一D都唔韧﹗
酥炸鱿鱼须 ($32) - 炸浆一D都唔厚，鱿鱼须条条都好大条，但有D韧，好难咬得开﹗
大师兄虾饺皇 ($16) - 可以话系皮薄馅靓﹗鲜虾只只都咁大只﹗皮唔干，入面唔会干争争，仲好JUICY﹗顺便讲埋蟹籽鲜虾烧卖皇 ($16)，猪肉加埋虾搅埋一齐，扎实唔松散，又系非常JUICY，但SORRY，张相唔见咗﹗
灌汤小笼包 ($20) - 略嫌皮有D厚，但好多汤汁，入面嘅猪肉都有汁，食落觉得好新鲜﹗
原笼马拉糕 ($18) - 本来已想停手，但见点心纸张相好吸引，所以就算饱都要试﹗放上枱时个糕弹吓弹吓咁，一睇就知好松软﹗味道唔会太甜， 仲好香，一口气食咗两件﹗
其实离离去去都系去D连锁酒楼饮茶，味道唔系话特别好食，而且又价钱唔平﹗不如支持小店，感受香港独有嘅味道同美食，呢度嘅点心每样都新鲜热辣，每样都好好食﹗价钱仲好贴地，由$14至$36都有，喺酒楼一个小点都最少廿几蚊，所以我话呢度物超所值就系咁解﹗点心纸仲有好多野好吸引，所以一定会再嚟帮衬﹗
张贴
