帯広はげ天

营业中

休息中

在圆方唔知食乜，途经呢间打著北海道菜旗号的餐厅， 就决定试一试。北海道嚟讲，我最喜欢食汤咖哩，每一间都有其不同的汤底，有香料重的，有肉味浓的，见到menu有汤咖哩拣，二话不说便选择了鸡的一款 ($158)， 可惜唔似日本餐厅咁有得拣辣度，结果为咗迎合大众口味，当然唔辣，食得唔够过瘾。鸡件有啲干，蔬菜似就咁灼熟，完全食唔出北海道的味道，失望。 冬菇海胆天妇罗 ($138)， 望张相感觉好劲， 上下两片冬菇夹住中间的海胆，叫嚟试试啦， 炸衣唔脆、两片冬菇已经干争争，海胆亦吃不到其鲜味，$138元两件，贵而无味。其他天妇罗亦都麻麻， 除了芦笋较好之外。 银鳕鱼西京烧($165)，极级失望，鱼肉劲干无汁的，西京烧一般个皮都会㶶㶶地，但呢次系全黑，毫无鱼味，我觉得嘥钱。