JEP by Involtini

营业中

休息中

早在去年11、12月睇到有关呢间餐厅既报导，系一间手造意粉黄店，见近屋企谂住试吓，哗，要预早两个月前订位，仲要讲紧我已经谂住系试平日午餐。Anyway, 一见两个月后边日有就订左先，真心惊会唔记得啰。呢日终于来临，餐厅其实细细间，装修简洁，加埋限聚令，一转午市其实只系做到10个客左右。呢度系a la carte, 但一坐低都会奉上自家制特式餐包及牛油，好精美。传统卡邦尼手造意大利面：份量唔系太多，但味道都唔错，同出面既carbonara 好唔同，意粉比较烟韧，值得一试。「黄」布和牛千层面：份量都系唔系太多，味道一般冇特别惊喜，好似普通肉酱意粉但变咗千层面，只属可以一试。法式焦糖炖蛋,自家制冰糕：呢个甜品系我同朋友一致认为最惊喜，比起主菜更吸引，完全唔同坊间既焦糖炖蛋，焦糖香脆，蛋够滑够浓，又唔会过甜，配埋佢件自家制冰糕，冇得顶，我应该会为咗呢个甜品去再帮衬😋😋另外，值得一赞系，入座时员工会介绍餐牌，每款食物上枱时都会介绍一下个菜式，感觉好似去左酒店餐厅咁。