影片
更多
2015-06-21
940 浏览
约左一位朋友聚旧，星期四晚，想揾个环境舒服d倾到计既地方，醒起有次经过此店饮过咖啡，印象不错，位处尖嘴闹市却人不多，于是两天前致电订左7:30台。我响公司忙著，一时忘记约会，朋友准时到达，我迟左20分钟，入到餐厅全部坐满人，与友人寒暄一番，到差不多8点至正式点菜。餐牌上菜式主要系"法式"菜，但大部分看上去都有d港式西餐厅风范，而价钱就比x宝石波x顿之类贵d。叫左杯红酒，一个烤沙甸鱼share，朋友叫蚬肉意粉，我就要锯扒medium rare，那个好有x宝石老伙记feel既中年男侍应用中文同我确认系咪3成熟，我话系。坐到8:40，除左两个餐前面包同杯酒，全部野都唔见影。我地好多野倾，原本唔多觉，只系开始有d饿，所以四围望下d野出得未。发现旁边一台6人台(全女班)，当中只有4人食紧，一个已差不多食完，其余未有野食既二人很鼓噪。我朋友话佢7:30坐低时那6人已叫晒野食，即系话，人地叫左野食个几钟都仲未黎齐，我地开始心知不妙。过左5分钟烧鱼终于出场，味道还过得去，只系唔明有咩需要烤45分钟咁耐? 不过睇见隔离台两个女仔既惨况，我地总算有野落肚，唯有唔出声慢慢细味，反正唔赶。期间第五个女仔既青口
我响公司忙著，一时忘记约会，朋友准时到达，我迟左20分钟，入到餐厅全部坐满人，与友人寒暄一番，到差不多8点至正式点菜。
餐牌上菜式主要系"法式"菜，但大部分看上去都有d港式西餐厅风范，而价钱就比x宝石波x顿之类贵d。
叫左杯红酒，一个烤沙甸鱼share，朋友叫蚬肉意粉，我就要锯扒medium rare，那个好有x宝石老伙记feel既中年男侍应用中文同我确认系咪3成熟，我话系。坐到8:40，除左两个餐前面包同杯酒，全部野都唔见影。我地好多野倾，原本唔多觉，只系开始有d饿，所以四围望下d野出得未。发现旁边一台6人台(全女班)，当中只有4人食紧，一个已差不多食完，其余未有野食既二人很鼓噪。我朋友话佢7:30坐低时那6人已叫晒野食，即系话，人地叫左野食个几钟都仲未黎齐，我地开始心知不妙。
过左5分钟烧鱼终于出场，味道还过得去，只系唔明有咩需要烤45分钟咁耐? 不过睇见隔离台两个女仔既惨况，我地总算有野落肚，唯有唔出声慢慢细味，反正唔赶。期间第五个女仔既青口到达，我听见同台其中食完主菜既一位向侍应催促余下最后一个主菜仲有甜品，侍应话佢叫左春鸡，餐牌上写明要等咁耐云云。果6个女仔听见眼都突埋，但系又无佢办法，只怪自己唔睇清楚餐牌(我无深究餐牌到底系咪真系写住要等1粒钟，但我觉得有无写都一样,都系咁荒谬)。最终，我朋友同我既菜分别响9:00同9:05到达，而隔离台只鸡应该大概系响我地两碟之间上菜，我偷望果六个女仔块面都㶶晒，原本咁既出菜速度会令我好不满，但见到隔离d女仔，我觉得我已获优待。
撇开上菜速度，我个"3成熟"牛扒最后出黎至少有7成熟，而朋友个意粉明明看上去白晒晒原来好鬼辣。我同朋友都好怀疑当日厨房系咪唔够人或者个炉坏左，一男一女侍应全程都系无事忙(因为厨房根本无菜出)，地方已经不大，男既净系识得响厨房门口腾出腾入(但10次有9次都无野拎出黎)，女既就一直对住柜台上印左出黎既单纸系咁对，既然无出过菜，都唔知有咩好对。到我地埋单离开时已经9:30，隔离班女仔仲等紧甜品，OMG!
张贴