影片
更多
2012-05-28
23 浏览
星期日又系拍拖日，老公叫我放假一天唔好煮饭，佢请我食晚餐！ 我开心之余，都锡住老公荷包，所以拣左呢间荃湾区好有名的意式餐厅！我地惯左夜食饭，9:15PM至去到，以为唔驶排队啦，点知原来仲一大堆人响度等位呀！唔怪得D人话多人起上黎要等成个钟...我地等左20分钟，终于有得入啦！我一早做足功课睇openrice食评，知道呢度多款、抵食，连加一都唔驶，D枱仲有个钟仔畀你叫侍应落order，唔驶狂举手揾侍应，抵赞！我地叫左个蒜蓉法包，以为细细份，点知仲长过我老公只大手板！咬落去...wow~够热，个边脆脆地，中间软熟，好正呀！我好钟意食三文鱼，咁自然唔少得叫一份三文鱼沙律啦！其实三文鱼得4块，份量唔多，好在佢个秘制沙律酱好好食，菜亦够新鲜冇苦涩味，唔错～芝士迷的我第一次黎，梗系要试个个都话好味的水牛芝士pizza啦，原来好大块架，芝士又厚又多，仲好香好烟韧，正正正！食到停唔到口～$28一个地中海海鲜意大利饭，我以为会得好少，点知原来大大碟！意大利饭焗过之后会有少少脆脆地，海鲜有2大只青口、4只蚬仔、4只虾仔，以咁嘅价钱真系算好足料啦！重点系味道好食嘛！不过由于我地得两个人，个胃再装唔落意粉，下
我地惯左夜食饭，9:15PM至去到，以为唔驶排队啦，点知原来仲一大堆人响度等位呀！唔怪得D人话多人起上黎要等成个钟...我地等左20分钟，终于有得入啦！
我一早做足功课睇openrice食评，知道呢度多款、抵食，连加一都唔驶，D枱仲有个钟仔畀你叫侍应落order，唔驶狂举手揾侍应，抵赞！
我地叫左个蒜蓉法包，以为细细份，点知仲长过我老公只大手板！咬落去...wow~够热，个边脆脆地，中间软熟，好正呀！
我好钟意食三文鱼，咁自然唔少得叫一份三文鱼沙律啦！其实三文鱼得4块，份量唔多，好在佢个秘制沙律酱好好食，菜亦够新鲜冇苦涩味，唔错～
芝士迷的我第一次黎，梗系要试个个都话好味的水牛芝士pizza啦，原来好大块架，芝士又厚又多，仲好香好烟韧，正正正！食到停唔到口～
$28一个地中海海鲜意大利饭，我以为会得好少，点知原来大大碟！意大利饭焗过之后会有少少脆脆地，海鲜有2大只青口、4只蚬仔、4只虾仔，以咁嘅价钱真系算好足料啦！重点系味道好食嘛！不过由于我地得两个人，个胃再装唔落意粉，下次一于要试！
最后先至食个蒜蓉焗田螺，其实都几油架，见到一大堆油在底部...闻落唔觉香，但食落口，一阵蒜蓉香味涌出黎，螺肉亦够爽口，good！老公仲畀左$12加个Drink Bar，不过佢唔饮咖啡，冰饮都系好普通的汽水柠茶之类，其实唔系真系咁抵，老公话下次唔加好过～
埋单只系$120，老公请得开心，我又食得开心，虽然系平价，但份量多、味道好，地方唔会狭窄，坐得舒服，我谂佢地舖租应该好平，而受惠嘅就系我地呢D食客啦！
唯一要改善嘅系食物可能有落味精，或者可能系D田螺太咸，返屋企之后觉得口渴。香港人都比较注重健康，希望佢地都响呢方面再加强下！
张贴
