川之源

营业中

休息中

招牌菜之一嘅水煮鱼 $198我同男朋友㨂左中价嘅水煮鱼，一于挑战下川菜嘅香、麻同辣。叫咗BB辣，一上枱见到劲红劲多辣椒，佢既辣系慢而长，但唔算十分之麻，所以食得辣嘅就建议可叫中辣以上。鱼块劲多、抵食到爆！入面仲有挂汁芽菜，食辣之人可挑战！四川凉面 $58好钟意佢落咗陈醋，配合自家制辣椒，绝对川菜口味。面质弹牙，味道偏重，而且拌面好适合夏天食，胃口会大增。红油抄手 $78价钱黎讲都合宜，因为份量唔细，两个人食系足够晒。虽然有得㨂辣度，但哩碗红油抄手系比我预期辣，要饮罐可乐先解到辣(食辣能力好弱)。抄手都十分足料，大大粒而且皮薄，又挂到汁。 ‼️好食‼️桂花冰粉食完又麻又辣嘅川菜，成口都系重口味，叫咗碗桂花冰粉，其实就系好似啫喱咁，桂花清香中香咗个辣。