Rome Italian Café (已搬遷) 新店位置

日日在街午餐, 吾系次次有乜经歴可以写. 但「罗马」都是我每星期一定帮衬一次嘅食肆. 佢开咗两年, 食物不断推出新款式, 所以我才没有食厌嘅感觉. 每次觉得有好嘅推介, 我就影低佢, 得闲嘅时候就整上嚟同大家分享. 大家出嚟食嘢, 都想食到平靓正之嘛! 罗马 d 午餐三＋几至四＋几蚊, 真系吾贵 lor!其实佢哋初初开业时, 我吾系好钟意, 觉得老板娘过份献殷勤兼 hard sell, 我食午餐三＋几蚊, 却三番四次叫我加十几廿蚊加件 cheese cake, 仲 sell 我火焰雪山和焗雪山. 有一排我吾敢再去, 后尾经过好多次, 见吾到老板娘, 才敢去咋! 之后, 舖头由伙计打理, 彬彬有礼, 友善随和, 令人享受食物之余, 心情也很自在.好似蝴蝶粉, 吾系好多餐厅有, 一只一只咁拮嚟食, 好爽. 佢吾会太多汁, 所以无食到一 pat pat 汁, 吾会食滞.蛋汁烟肉意粉d汁好闻起来香, 食落口好creamy.牛柳条不论伴炒意粉 or 汁烩意粉都好啖啖肉好惹味.睇住佢哋嘅转变和进步, 我系好支持 lor!