爆丼屋 (已搬遷) 新店位置

好耐之前有嚟过食饭一次，𠮶阵佢地嘅烧牛丼风魔一时，但佢哋嘅刺身丼其实我一直都未试过。同友人 V 去开旺角，行过爆丼屋见到佢哋推出咗限定嘅丼饭新 menu, 一轮讨论后决定去试吓 三重大极上丼 ($398)丼饭嘅 Size 同我印象中嘅差唔多，唔特别大碗，但堆到好似小山丘咁，令人赏心悦目～ 😀 呢个份量十足、身价不菲嘅丼饭由三种食材组成，一块块纹理均匀嘅拖罗薄片铺面，海胆系最顶，仲有松叶蟹肉丝围边作点缀。海胆颜色深黄色初初都担心会唔会唔新鲜。但入口系鲜味嘅，唔会腥唔会臭。拖罗虽然薄切，但鱼脂味浓，很可以，如果可以再厚切多少少就好喇 😆 感觉同一两年前比，宜家嘅 menu 饭嘅款式已经少咗，但我觉得系好事，集中哋质数反而更加有保证 见到另外有啲几新奇嘅菜式 - 用苹果樱桃木烟熏嘅刺身。好奇心驱使下我哋都嗌咗嚟试下。上抬时玻璃盖入面朦胧一片，打开盖啲烟瞬间化成，效果非常梦幻。烟熏过嘅刺身食落多咗一层香气，就算点住豉油都仲透到出黎。几新鲜嘅尝试，唔特别贵，个人觉得可以单嗌试下。佢地仲推出咗𠮶烟熏丼添。 值得一提嘅系佢哋嘅面豉汤非常足料，昆布、面筋、煮得非常入味 😋 白桃汁系支装嘅，抵饮过一般罐