喜來稀肉 (已結業)

韩烧试过咁多间，都系钟情于喜来稀肉！今日竟然听到同事话原来附近开左，开心到即兴约埋放工去食～店入面环境几好，虽然好多客人，但都唔会好大油烟钟意韩烧其中一个原因系我好钟意食炉边蛋，一边放泡菜，一边放芝士。食下肉，又食下蛋，好有风味～护心肉系每次都必食既，基本上每枱都会点。肉质鲜嫩、有口感，份量又够多！都唔洗点介绍喇～总之一定要食啦！平时食开牛五花，今次试下真雪花牛肉先！menu上有手指公，应该都好食既～脂分布平均，好有牛味，亦都唔会太油腻，好好食话说睇韩剧，见到佢地成日食泡菜汤之类既野，搞到我都好想食～所以就点左个海鲜牛胸肉大酱汤估唔到都几足料，劲多海鲜，但比较重口味，哈哈两个人食，饱晒！