洪記粥品 (將軍澳廣場)

营业中

休息中

不满到要为左呢间店写人生第一篇食评之前叫过外卖生滚鲜牛粥加滑鸡，加埋成$45，成碗粥得一两片牛肉，加一两旧蚊型鸡件，都已经觉得呢间店好孤寒，食材份量同价钱完全不成正比…好啦，今日个肚唔舒服，佢又系将军澳几个商场唯一一间粥店，焗住又帮衬左次，试吓堂食会唔会好啲，点知…叫生滚肉丸粥($35)加滑鸡(+$10)粥底还好，算大碗+绵密肉丸都煮得熟同几好食，但全碗得三四粒，细过乒乓波另外加左钱要滑鸡，佢够胆死净系俾左一旧好瘦嘅鸡件同三四粒鸡颈我，无错，系无肉嘅鸡颈！加埋嘅鸡肉量都唔知有无半只鸡翼咁多！呢个已经唔单只系性价比嘅问题，而系佢地竟然过到自己𠮶关觉得求其serve啲鸡骨当系滑鸡咁俾个客系无问题⋯⋯觉得佢地做生意好无诚意同无品，绝对无下次。