豪隍點心 (已結業)

之前光顾过一次，对豪隍的马拉糕仲系念念不忘，所以又去试下。下午时间，冇乜人，唔洗等太耐。茶－全部都系玄米茶，　好香。马拉糕－　有两种口感，上层系平时食的马拉糕，下层系黄金糕。以为呢两种糕唔太夹，但入口之后，真系唔错。唔太甜，够特别。三文鱼长春卷－　话明系招牌野，当然要试，但三文鱼粒又细又少。反而虾粒又多又大。有Ｄ喧宾夺主。虾饺／烧卖各2件－　见到个样就觉得系即叫即蒸，因为虾好新鲜，皮薄。猪润肠粉－　用料十足。一夹开肠粉就有猪润走出来。味道不俗。墨西哥包／鲜竹卷－　不过不失。呢度有卡位，最多可以容纳六人。如果得两个人去，又想坐卡位，系只可以坐一边。我地今次得两个人，佢地要我地坐埋一边。但对面的人走左，佢地都唔拾碗碟。我地叫到第三次，佢地先执，话唔够人手㖞。讲系咁讲，但我地未食，见住人地食剩的野同我地Ｄ点心咁近，都唔太好受。同第一次帮衬相比，　服务系差左少少。