兩草 (銅鑼灣道) (已結業)

呢间餐厅喺大坑附近，离地铁站唔算好近，之前见到有人写过食评，好似几吸引，所以就来食下。餐厅细细间，好似家庭式咁样，所以食物选择都唔算太多，一张纸都睇得晒。不过唔紧要好食嘅嘢贵精不贵多。我哋见招牌系香煎脆边蛋肉饼饭，所以就一定要叫黎试吓。唔想两碗饭一样，另一碗饭叫咗滑蛋叉烧饭。先讲吓个肉饼饭啦，我觉得𠮶甜豉油配埋蛋黄汁捞饭，其实唔会差得去边，所以就算整体都系啲普通野，食落都唔错。 至于滑蛋叉烧饭，叉烧多个啲蛋，都算系好足料嘅！呢个价钱一碗饭，都叫抵食，餐厅名有几得意，唔错唔错😂