影片
更多
2021-09-02
793 浏览
实在系用咗好多时间都谂唔到晏昼食乜好，见咁耐冇食谭仔，就求其食碗谭仔算😛😛见佢哋而家新出咗好多小食，鸡脚筋比较特别，但自己一个人，唔敢冒险叫嚟食，惊中伏😅😅另外有个炸酱捞米线，出面成日落雨湿湿，公司同商场冷气又大，我惊又唔冻又唔热嘅炸酱捞米会想呕，所以稳阵起见，我都系叫返碗普通热辣辣米线算。新出芫荽皮蛋鱼汤米线，见到隔离枱都叫咗两碗，但由于今日麻麻哋想食鱼，同埋都几怀念佢哋嘅辣汤，芫荽汤过几日再试。叫咗牛肉竹笙酸辣，小米。$44喺铜锣湾食个晏昼，价钱都算系平。碗汤唔算好多，最后比我饮晒咁滞。牛肉份量比较少，而且好硬….. 加上竹笙又冇乜味道，所以强烈建议大家至少要拣三种𩠌，如果唔系就好似我咁，成碗面好寡，去到最后就不停系咁食米线米线米线。谭仔有得储印花，但比较麻烦，要用佢哋个Apps，仲要消费够$60先至储得🤷🏻♂️🤷🏻♂️
见佢哋而家新出咗好多小食，鸡脚筋比较特别，但自己一个人，唔敢冒险叫嚟食，惊中伏😅😅
另外有个炸酱捞米线，出面成日落雨湿湿，公司同商场冷气又大，我惊又唔冻又唔热嘅炸酱捞米会想呕，所以稳阵起见，我都系叫返碗普通热辣辣米线算。
新出芫荽皮蛋鱼汤米线，见到隔离枱都叫咗两碗，但由于今日麻麻哋想食鱼，同埋都几怀念佢哋嘅辣汤，芫荽汤过几日再试。
叫咗牛肉竹笙酸辣，小米。$44喺铜锣湾食个晏昼，价钱都算系平。碗汤唔算好多，最后比我饮晒咁滞。牛肉份量比较少，而且好硬….. 加上竹笙又冇乜味道，所以强烈建议大家至少要拣三种𩠌，如果唔系就好似我咁，成碗面好寡，去到最后就不停系咁食米线米线米线。
谭仔有得储印花，但比较麻烦，要用佢哋个Apps，仲要消费够$60先至储得🤷🏻♂️🤷🏻♂️
张贴
