走青

营业中

休息中

周末午膳时间唔洗得位，梗系入啦。枱与枱之间好濶落，坐位都够大，好舒服。餐具有公鸡，走怀旧路线咁，加上听住张国荣，陈慧娴，狮子山下，仲有其他经典八十年代电视剧金曲，可惜装修不是怀旧风，有少少投入唔到。未入嚟前只系随意「立」下 menu, 以为饮茶，原来又唔完全系。因为谂住饮茶嘛，所以点咗点心叹下。叫咗份炸両，百花酿鱼肚同叉烧包。先上炸両，摆盘几好，麻酱同甜酱喺一碟，豉油另一碟。食落呢，𠮶条油炸鬼太多粉，唔够脆。唔够饱嘅，食依个可填肚。鱼肚反而有惊喜，可能平时少饮茶，对我嚟讲系唔常见嘅点心。佢一碟3件，鱼肚上有虾胶，再之上有虾籽，味道清清哋。试过就咁食，又试过点炸両碟豉油，个人觉得有豉油好味啲。有1个叉烧包被蒸笼到汗水整湿包底，系依个瑕疵。好味㗎，又冇肥猪肉，甜度适中。