影片
更多
2018-04-09
251 浏览
以前喺美国生活嘅时候...身边好多越南同学仔...好多都系移民美国嘅...大家经历嘅差不多，所以比较啱倾。我哋久唔久就会到唐人街食嘢，有时会食越南包(用法包做成嘅三文治)，另一最常食嘅就系越式生牛肉河。美国其实好多越南人，不论系新移民又或者落地生根嘅，所以越式食店都好多。至于点解？有兴趣可以睇返「美越战争」....抛完书包喇～。。近得朋友多，口味、调味都被感染到...每隔一段时间就会想食越南粉...某日放工见到唔需要排队，又好，试吓先。。。呢间食店所提供嘅面食选择唔多，其余就系小食 + 饮品。佢哋无分午餐menu、下午茶、或晚餐...而且亦唔会提供水，要饮嘢就要另外order喇...。。为食嘅人总系贪心嘅...今次要咗一碗「综合粉」— 生牛肉、熟牛肉、牛丸。面头放咗薄薄洋葱丝 + 葱粒。汤头几清澈唔太油腻，有牛味嘅，但未到想一口接一口咁饮...食面之前可以将杯内嘅芽菜、辣椒、香叶(用手撕开)、再唧d青柠汁将河粉牛肉捞匀就可以食喇。。。想重口味d嘅话，可以加埋越式辣酱 & 甜酱一齐食...我d越南FD子都系咁㗎...所以我都好惯手势照样咁食😅。。讲咁耐...呢碗粉味道如何呢？价钱唔平㗎.
。
。
近得朋友多，口味、调味都被感染到...每隔一段时间就会想食越南粉...某日放工见到唔需要排队，又好，试吓先。
。
。
呢间食店所提供嘅面食选择唔多，其余就系小食 + 饮品。佢哋无分午餐menu、下午茶、或晚餐...而且亦唔会提供水，要饮嘢就要另外order喇...
。
。
为食嘅人总系贪心嘅...
今次要咗一碗「综合粉」— 生牛肉、熟牛肉、牛丸。面头放咗薄薄洋葱丝 + 葱粒。汤头几清澈唔太油腻，有牛味嘅，但未到想一口接一口咁饮...
食面之前可以将杯内嘅芽菜、辣椒、香叶(用手撕开)、再唧d青柠汁
将河粉牛肉捞匀就可以食喇。。
。
想重口味d嘅话，可以加埋越式辣酱 & 甜酱一齐食...
我d越南FD子都系咁㗎...
所以我都好惯手势照样咁食😅。
。
讲咁耐...呢碗粉味道如何呢？价钱唔平㗎...
碗面其实OK啦，基本上唔加任何额外酱料都已经好够味。牛丸唔系爽口弹牙果type，一般啦，似打边炉食开果d。熟牛肉 = 牛腩，呢个几好食，唔韧，几软淋。生牛肉 = 牛肉薄片。呢碗河粉本来都无乜嘢嘅，但唯一败笔就系汤唔够热！其实危险㗎，因为有生牛肉嘛，果日食咗大半碗，专登等d牛薄片浸多阵，但仍然带有轻微粉红色。另一令人唔太放心就系透明杯嘅青柠、芽菜、香叶...食店完全无用任何cover盖住...话就话商场内，比街外清洁d，但始终觉得唔太卫生。
。
。
当晚返屋企后无啦啦轻微肚泻撞鬼呀～
。
。
肠胃唔叻嘅人，记住衡量吓食唔食生牛肉...如果汤够热嘅话系无问题嘅...自己执生啦吓...
。
。
好多分店，多数商场内，枱櫈可移动
轮椅使用者 容易泊埋枱
张贴
