八哥主題餐廳 (已結業)

之前睇过一些网站介绍，都留意到有间主要以得意八哥为题嘅西式餐厅，一于趁假日约埋三五知己上去试下。餐厅位于加连威老道， 正正系龙城对面， 都好容易揾到。 虽然没有真正八哥驻场，但就有唔少八哥元素嘅装饰布置， 就算唔系八哥迷嘅我都被佢地吸引住。安格斯肉眼扒 ~ 肉质嫩滑得来有嚼劲， 牛肉味相当浓郁，配合酱汁非常滋味。烧烤猪肋骨~上台时已经传来一股香喷喷嘅烧烤味， 未食已经流晒口水， 而且卖相不俗， 猪肋骨烤至香浓软念， 可口惹味，同朋友share一齐食，大家都赞不绝口，值得推介。香煎带子龙虾汁意粉~ 一款简单美味嘅料理， 带子肥美大粒， 煎至刚好熟， 配合鲜味龙虾汁扁意粉， 味道夹得来好好食。黑松露牛肝菌意大利饭~ 侍应一送来就闻到浓郁的黑松露香气， 我同朋友急不及待立即品尝， 牛肝菌菇口感鲜嫩滑溜，意大利饭弹牙有嚼劲，令人一食就爱上。整体而言餐厅环境布置优闲舒适， 食物水准唔错，仲有好得意嘅八哥装饰， 加上附近购物商场临立，行完街顺便过来食饭， 这里实在是一个聚脚好地方，相信我们好快又会再来。