八哥主題餐廳 (已結業)

因为朋友钟意八哥，所以带佢黎呢间八哥主题餐厅潮圣😎座位间保留空间，食饭倾计时会有私隐度，唔错～先点小食，叫左脆炸洋葱圈$68炸得非常香脆可口，而且热呼呼令人食得过瘾！入面嘅洋葱圈淋身且充满水份，呢个夹埋一齐外脆内软嘅口感真系令人好想encore😋Parma ham香草酱意粉$148香草酱几香，夹埋意粉好配，亦唔会‘’漏‘’。意粉煮至al dente系我钟意嘅软硬度，唔错！不过Parma ham就焗至有点太干，有啲难咬要原块吞所以比较偏咸。如果可以切碎洒落意粉度相信更佳。盐烧三文鱼柳配柠檬牛油汁$198哗哗哗，呢个个presentation好靓，碟边仲有可可粉洒成嘅八哥图案，超可爱呢😍！！！个三文鱼柳煎至油香四溢，再沾上柠檬牛油汁，酸酸地又带牛油香气，超级正！我地系连所有配菜都食哂，呢个真心推荐！！！希望下次再多个人试埋佢个八哥蛋糕先，今晚食完呢啲已经饱到食唔到甜品喇，哈哈！