八寶清湯腩

营业中

休息中

我心目中best 3清汤腩，八宝一定榜上有名。呢间店我真系又爱又恨。爱系爱上佢独特嘅汤头，恨系恨我识得太迟。由红磡两间旧舖位置开始，到收到结业嘅消息，休息一轮再次出发，今次去到天后区，位置唔算难揾，人流仲几多添。清汤萝卜爽腩河粉（$78）可能有啲人对于呢个价钱食一碗粉会有少少却步，不过，汤头系呢度嘅独特之处，有药材味亦有少少甘甜余韵。爽腩带有筋膜，食到爽脆嘅口感；加埋药膳汤底，一碗河粉就带来大满足。清汤萝卜三宝饭（$88）三宝包括牛腩、牛肚同牛筋，汤头比河粉更为浓郁，适宜送饭吃。牛筋焖得够腍，牛肚够入味，同牛腩间住吃最好，又可以呷啖汤捞饭食，每当我挂住清汤牛腩就可以移师到天后黎食了。