影片
更多
2015-01-28
1018 浏览
老老实实我……我谂好多人都系，年中真系食唔少放题同朋友聚会唔使烦呀嘛，好似咩都有得试咁，满足各人口腹之欲:^P话说上月同朋友去旺角食放题，食完之后经过番兆万见到原来有间新开既放题，就系呢间八幡屋当时就话不如下次就食佢啦！系就系食八幡屋啦，一齐食既就变左另一位好友因为听佢讲工作上有点不快，不外乎俾人老屈踩住上咁只系之前又开学又病，大家都冇见面传说中食放题系可以转运既，好似系今次一于就去试新野，顺便吹下水XDDDD由于成个月冇食放题，呢篇会打得又长又详，唔好打我;^3环境宽敞舒适，系门口望入去都见到唔同平时咁逼狭同埋行入去既时候，地板系唔会黏笠，干爽洁净可能因为订左位，仲要系星期一平日时间当时店入面得几枱客，而我地都可以坐得到卡位隔住大玻璃算系有少许街景，影相果阵可以放系窗边唔怕有太多杂物餐单跟款式分颜色分点菜纸食物主要分前菜、寿司、刺身、手卷/军舰/卷物、佐酒小食、烧物、天妇罗、炸物及日式料理呀！又点少得饮品以及甜品呢？同埋原来一月份系做紧优惠，任何时段都可以免费试佢既升级体验本身每位加$40就可以任食佢升级既食品话哂差唔多成个月冇见，食贵少少都系一餐半餐姐！然后我地就多左张紫色既升级放
同朋友聚会唔使烦呀嘛，好似咩都有得试咁，满足各人口腹之欲:^P
话说上月同朋友去旺角食放题，食完之后经过番兆万
见到原来有间新开既放题，就系呢间八幡屋
当时就话不如下次就食佢啦！
系就系食八幡屋啦，一齐食既就变左另一位好友因为听佢讲工作上有点不快，不外乎俾人老屈踩住上咁
只系之前又开学又病，大家都冇见面
传说中食放题系可以转运既，好似系
今次一于就去试新野，顺便吹下水XDDDD
由于成个月冇食放题，呢篇会打得又长又详，唔好打我;^3
环境宽敞舒适，系门口望入去都见到唔同平时咁逼狭同埋行入去既时候，地板系唔会黏笠，干爽洁净
可能因为订左位，仲要系星期一平日时间
当时店入面得几枱客，而我地都可以坐得到卡位
隔住大玻璃算系有少许街景，影相果阵可以放系窗边唔怕有太多杂物
餐单跟款式分颜色分点菜纸食物主要分前菜、寿司、刺身、手卷/军舰/卷物、佐酒小食、烧物、天妇罗、炸物及日式料理
呀！又点少得饮品以及甜品呢？
同埋原来一月份系做紧优惠，任何时段都可以免费试佢既升级体验
本身每位加$40就可以任食佢升级既食品
话哂差唔多成个月冇见，食贵少少都系一餐半餐姐！
然后我地就多左张紫色既升级放题点菜纸
根据过往经验，我地完全唔使商量就可以分工点菜XDDDDDDDDDDDDD
热清酒
47 浏览
0 赞好
0 留言
热清酒
43 浏览
0 赞好
0 留言
一见到个清酒瓶就谂起以前番过高档日本餐厅（最后因太担心打烂野就辞工，我呢啲粗人
拎上手真系热到要忍住咁倒出黎，仲出哂烟添
清酒热过后酒精稍稍挥发，入口不会过呛
小呷一口，感觉还带点甘甜味道！
我俩都认为佢地既来货酒味平易近人，唔使话酒量极佳都可以小尝
烧味醂河豚干
81 浏览
0 赞好
0 留言
一见到个名我真系即刻填，同饮品纸一齐递，刚刚好伴住饮清酒（Y）
烤过既微微焦香是个加成，原本烟韧富嚼劲既河豚干已经够鲜香
咸咸甜甜既味醂调味感觉十分香口惹味，唔够既点少少充满奶滑感既美乃滋则更易入口
鹅肝多士
23 浏览
0 赞好
0 留言
我地今次就咁啱好试得到又唔使另加
鹅肝味道颇香浓，煎过加添焦香味，而其油份亦渗至多士内，油香满溢
遗憾的是鹅肝有点太老，入口未够细滑，有少许颗粒感
刺身
65 浏览
0 赞好
0 留言
刺身
46 浏览
0 赞好
0 留言
有闻呢到既刺身系真系日日新鲜日日清，因为有做埋午市就应该会用得刚刚完
但系见到成一大盘摆放得咁精致既刺身盘上枱……真系影相都影到爆记忆卡容量:^0！
当然佢普通刺身纸加埋升级既，大大话话约十五款，我就唔会样样讲啦
普通版既刺身我觉得佢既希灵鱼有少许唔同
佢好正常地系带微酸，但呢度既版本感觉系紥实又脆爽，比平时食到既更是湿润味鲜
剑鱼腩
53 浏览
0 赞好
0 留言
先前睇到新闻话有餐厅系将油鱼冒充剑鱼腩，搞到有食品安全隐忧
果篇新闻有教读者分别油鱼及剑鱼，而我夹起既呢片可以睇到系带淡淡粉红色
入口亦是清香嫩爽，唔会过油过稔
我就真系唔系咩鱼生刺身专家，只系谂起个报道，作为一般消费者咁跟住分下姐
下列只选评我地比较中意既升级版既刺身
最近谂算试下好似人地咁影近镜，但我手好震，柏金逊咁，大家忍耐下啦:^P
赤虾刺身
40 浏览
0 赞好
0 留言
重点系两者都系有头既XDDDD
赤虾虾肉晶莹剔透，偏白身没有发黄，当然是挑走了虾肠
肉质稔嫩微爽，味道比想像中为清，也没有异味
珍宝带子刺身真系够珍宝，因为相中只系佢对半切开既大小清甜非常，嫩身却带爽劲，感觉不错
生蚝
36 浏览
0 赞好
0 留言
师傅费心思将生蚝调味，放入器皿，好等食客一口品尝
我地都毫不客气，把它干了！！！！！
生蚝望落去系干身，岂知是味鲜多汁，加上酸中带果香既醋汁，开胃不腻
五行寿司
21 浏览
0 赞好
0 留言
一问之下，系要四人或以上订座先会送
隔离枱都系有类似情况，不过佢地就系问过生日优惠冇食物送，请店方多送五行寿司
上网见有食家影到好吸引咁，一向唔中意放题食饭既我地（唔抵呀嘛xd）都好想试
最后经理送上一排开五件创作卷物，金、木、水、火及土，既扇形碟，感谢
金其实一睇就知，因为表面有食用金箔，闪闪下，卖相高贵
海胆加上拖罗，味道鲜美，配上芝麻及葱花，却是感觉清新
唯一不足既系芝麻份量太满密，香系够香，但食落就有少许干身及粗糙
木都系好明显既，卷物周边系围上紫菜碎，深绿色感觉森系
上面既三文鱼系轻轻炙烧过，半熟粉红，油香甚重
胡麻酱香稠浓郁，少许酸味就令其感觉较清新
水就真系唔多睇得明，食落就知因为中间夹左桃，水就系讲紧水蜜桃
甜虾碎清爽带黏，嫩滑晶莹
我最中意系佢个卖相，放番个虾尾系度，明明白白讲出系虾肉，造型精致得意
火系火炙白色鱼肉，焦香味重而不苦
外层好特别，沾满类似天归罗既炸皮，薄脆香口
只系讲真，呢款系食一件就够，唔系话难食，但外皮毕竟系炸粉，香脆既代价就系油腻
土最顶层有丁点黑松露酱，但配以细份卷物，已经足够
车厘茄味道清淡，唔会话太酸好怪咁
而带子就好似刚才提到既带子刺身，清甜嫩香
整体黎讲佢地既五行寿司颇有创意，且食材配搭不过火
只系总有未够尽善之处，希望佢地谂到方法改善吧
因为成篇文真系几长,生冷食品就去到呢度先啦
熟食及甜品将会系下篇出现,请多支持XDDDDDDD
题外话/补充资料：
楼下好似有宣传单张,系有折扣定唔知其他优惠
不过我地一早定好目标订埋位,所以就冇点留意同理会,直接上去食啦XDDD
(以上食记乃用户个人意见 , 并不代表OpenRice之观点。)
张贴
