BBQ 7080 (已結業)

搭入十点，同朋友两丁友嚟到山林道嘅7080食韩烧。店铺好易揾，直行到山林道尾便揾到，门面装修好特别，入门口要直上二楼先系用餐嘅地方，环境装修得真系好吸引！韩风味特浓。宵夜时段十点开始，有八折优惠！落单要咗猪腩肉、牛助骨（真系写牛助⋯唔系个肋字咩？唔考究喇）、仲有鳗鱼！仲叫咗支韩国烧酒！未开始烧嘢食之前，店员好细心咁将所有配菜摆好喺台面！冻豆腐啦、沙律菜、生菜、泡菜⋯全部都可以无限叫！正！五花腩烧出嚟真系好香，虽然系腩位，但一啲都唔觉油腻同肥，相反肉质更香软！牛助骨就争啲喇反而，肉质有啲韧，冇乜牛味！建议拣猪食，因为韩国食猪比牛多，猪肉类应该有保证啲。鳗鱼！超级赞！唔食唔得！冇得弹！一边烧一边用生菜将肉、泡菜包好嚟食，真系一等一享受！韩国烧酒⋯其实真系唔觉得有咩好饮，纯粹系谂住玩下韩风，烧酒其实都易饮，但味道就有啲难接受⋯酒精味都几重！唔系香啰。而且有成17.5%酒精浓度，都几易饮醉。