WTF (已搬遷) 新店位置

环境5分：正常酒吧格局，有高吧位又有普通餐枱位。楼面好高，有室外座位比人一边饮嘢一边抽烟，Ｄ位唔迫，可以畀五分。卫生5分：酒吧嚟讲绝对非常卫生，洗手间男女共用，但非常干净。室外室内Ｄ枱面同地下都好干净，又有纸巾任用，可以畀五分。服务5分：Bartender后生有活力，同生面口或者系熟客仔都咁好倾。自我介绍完又会推介Ｄ鸡尾酒，非常详尽。饮到一半又会走过嚟问有乜意见，满唔满意，之后又叫我地星期五再嚟饮过，因为到时夜晚会有人唱live band，畀佢满分！味道5分：1)      大大杯Peroni意大利生啤又冻又清爽。2)      Bartender力推杯丝绸之路鸡尾酒有个精美图腾酒杯，好靓。杯顶见到好多新鲜红莓，黑莓同香橙，证明调酒真材实料，另外有块血橙干，好有特色同多元化。杯鸡尾酒酒精唔浓，好重甜酸嘅热情果同菠萝味，好清新。3)      第二杯Smokey Robinson一样有好多橙，红莓，黑莓，另外仲加多旧杨桃，全部都好鲜甜，好好食。杯酒个烟味嚟自浓味嘅肉桂香，同个威士忌酒味好夹，诚意加效果足以畀满分！抵食4分：欢乐时光有八折，每人百几饮吹个几钟头水，都算ＯＫ抵，可以畀四分。