點點心

营业中

休息中

同友人去圆方睇优先场前，先黎八文楼附近医下肚，花多眼乱但今晚想饮下夜茶，不如就食下点心。屹立多年嘅点点心中规中矩，算系好稳阵之选。银杏胡椒咸菜猪肚汤先黎一小锅胡椒猪肚汤，喺微凉嘅秋夜饮几啖汤的确暖肚，猪肚处理得几干净无异味。烧汁虎皮尖椒煎酿三宝嘅瘾一起，就好想嗌呢个虎皮尖椒摄下牙罅，烧汁少少甜都几配合到。酱皇蒸凤爪友人最爱凤爪，点都要叫番笼食下。入晒味又软稔嘅凤爪基本上无可挑剔。蟹肉小笼包蒸点姗姗来迟，都系友人最爱嘅蟹肉小笼包，不过较为逊色系无乜蟹肉或食唔出蟹味，汤汁都略为少，无乜爆汁，唯一好处系够热嘅。煎蛋牛肉饭压轴嘅淀粉质，只煎蛋有溏心唔错，牛肉系山竹牛肉嘅质地，滑滑地配饭都好食。