八月堂 (已結業)

我最钟意食嘅包系牛角包，因为钟意佢嘅口感同牛油味香浓嘅味道，而响香港扎根咗好耐嘅八月堂我就真系第一次食，因为佢啲分店唔近公司同屋企，所以唔会特登搭车去买一个试......今次阿sir超有我心，特登去买一盒比我，买五送一好抵，闻名不如见面了！🍴覆盆子奶酪$20⭐️⭐️⭐️⭐️同牛角包几夹，虽然覆盆子带点酸，但牛角包嘅牛油香刚好可以中和覆盆子嘅酸🍴曜黑芝麻$22⭐️⭐️黑芝麻味道都几香浓，但放响牛角包上面就完全变成主角，同埋有两块朱古力唔知想点🍴松露白酱蟹味可颂$26⭐️⭐️无乜松露味，因为沙律酱同蟹柳本身味道太浓🍴焦糖布丁$23⭐️⭐️⭐️焦糖布丁味道同口感都几得意，似食紧吉士酱咁，可以一试🍴黄金流沙$20⭐️⭐️⭐️⭐️呢个黄金流沙最好味，好creamy，同牛角包好夹🍴金沙芋泥$20⭐️⭐️⭐️芋泥好细滑好香，但同金沙一齐食就会比金沙个味盖咗，两者不能并存二人共消费：$111