八番麵工房 Deluxe (已結業)

🌽上次出咗札幌牛油粟米拉面嘅食评之后，好想好想再食牛油粟米拉面。上网揾到呢间有55年历史嘅日本过江龙拉面店，趁平日下午茶时间少啲人排队即刻试一试！满足下心瘾，过下口瘾！🍜牛油北海道带子粟米拉面（$88）：汤底味偏清淡。有块半溶牛油，搭配粟米粒及三件北海道出产嘅带子。每件带子都有足足匙羹咁大，鲜甜肉厚，肉质弹牙。都几新鲜。面质同一般嘅拉面有啲分别，口感比较松软。🍛极上烧汁海鲜丼 配面豉汤（$138）：颜色丰富，卖相几吸引。海鲜包括：北海道带子、烧三文鱼、烤鳗鱼，以及鱿鱼。洒上葱花，更加色彩夺目。另配面豉汤，套餐完成。🥢北海道带子一串两件（$42）：巨型带子个头，鲜甜肉厚，肉质弹牙新鲜。👌🏻整体而言：1. 座位都舒适，慢慢食倾下计唔错～2. 茶市套餐抵食。3. 过下口瘾都ok。八番面工房 Deluxe 地址：上水龙琛路39号上水广场5楼511号舖电话：39969719营业时间：07:30-22:00#香港食好西 #拉面 #香港 #野生代言人 #上水 #日式 #八番面工房 #龙琛路 #上水广场