影片
更多
2014-09-16
7400 浏览
放题第二击, 今次系去浦和日本料理的上环分店, 上环地铁站A1出口直达, 非常方便, 而且放题时间无限, 所以决定一试~两星期前book咗7点6位, 直到用餐当日中午天文台已挂3号波, 冇几耐就收到餐厅电话confirm booking, 心谂夜晚转8号波都冇所谓啦, 照去~当晚同2位同事一齐出发, 大概6:40pm提早到达, 到埗后觉得餐厅环境几好, 台同台之间唔会迫, 有返私人空间先...但另一方面, 一坐低店员就同我地讲如果晏啲挂8号风球餐厅就要关门, 同朋友都「打咗个突」 (虽然系正常)...之后一路食都担心好快会改挂8号波......=.= 讲返放题本身, 餐厅提供3种价钱选择, 平日有$238, $318同$438(唔sure)三种, 好自然选择了中价的$318(另计加一)的「升级放题新体验」, 刺身多了油甘鱼, 鲷鱼等等选择 (但带子同海胆刺身则唔包括, 要帮衬最贵的一个价钱), 另有啤酒, 梅酒及各种饮品的无限任饮。罐装麒麟啤酒任饮对喜欢啤酒的笔者而言非常好 (饮咗4罐=.=), 而且仲有梅酒同其他饮品包括忌廉沟鲜奶, 锡兰红茶, C+汽水等等...一开始我们得3个人时
两星期前book咗7点6位, 直到用餐当日中午天文台已挂3号波, 冇几耐就收到餐厅电话confirm booking, 心谂夜晚转8号波都冇所谓啦, 照去~
当晚同2位同事一齐出发, 大概6:40pm提早到达, 到埗后觉得餐厅环境几好, 台同台之间唔会迫, 有返私人空间先...
但另一方面, 一坐低店员就同我地讲如果晏啲挂8号风球餐厅就要关门, 同朋友都「打咗个突」 (虽然系正常)...之后一路食都担心好快会改挂8号波......=.=
讲返放题本身, 餐厅提供3种价钱选择, 平日有$238, $318同$438(唔sure)三种, 好自然选择了中价的$318(另计加一)的「升级放题新体验」, 刺身多了油甘鱼, 鲷鱼等等选择 (但带子同海胆刺身则唔包括, 要帮衬最贵的一个价钱), 另有啤酒, 梅酒及各种饮品的无限任饮。
罐装麒麟啤酒任饮对喜欢啤酒的笔者而言非常好 (饮咗4罐=.=), 而且仲有梅酒同其他饮品包括忌廉沟鲜奶, 锡兰红茶, C+汽水等等...一开始我们得3个人时候, 上单速度较慢, 令我们心生怀疑, 但随著我们6位齐人后, 侍应上菜速度即刻加快了, 之后叫的菜式都好快上菜。
齐人后侍应立即送上惠顾放题赠送的刺身拚盘, 有$318放题食唔到的三文鱼腩, 带子, 海胆, 仲有其他包括甜虾, 剑鱼腩, 白玉豚, 螺肉, 油甘鱼, 北寄贝等。各款刺身都够新鲜, 尤其系海胆入口鲜甜, 不带半点腥味, 非常好食! 三文鱼腩亦够肥美。
$318放题冇带子同海胆刺身唔紧要, 有寿司供选择, 由图可见, 份量当然偏少, 但味道搭够, 唔会中伏先~
蒜香焗蚝的蚝肉偏小, 入口几香口, 尚可
花之恋用的三文鱼同样好肥美, 落足料, 抵返晒~~
日式火锅我地选择了清汤底, 有各种食材选择(如牛肉, 猪肉, 豆腐, 菜等等可以想像到的食材都有), 我地净系拣咗蔬菜类...
牛肉粒是一般货色, 焗露笋则相对较少见, 而且好味
香芒焗帆立贝是惊喜之作, 入口食得出芒果味道, 配合带子好开胃, 不过食多两件会滞...仲有好多常见料理如天妇罗, 串烧, 吉列蚝等等都达到放题水准, 当然唔可以叫好好食, 但算是水准以上, 唔会食到中伏之作~值得一提系吉列蚝入口竟然仲有蚝的鲜味, 不过好似炸唔透, 令到我见到里面的蚝仲有啲生 (吓亲我位唔食生蚝的同事=.=), 不过我又觉得冇咩问题, 但真系第一次食到唔系全熟的吉列蚝...
另外, 呢度的甜品亦令人有好大惊喜, 选择好多, 除了一般放题一定会见到的雪糕糯米滋外, 仲有焦糖紫薯, 焦糖炖蛋, 仲有心太软同朱古力火锅!!! 真系第一次见...而且仲有其他甜品的, 不过太饱冇叫了...
焦糖炖蛋我冇试, 至于朱古力心太软, 虽然上菜时已经漏了入面的朱古力浆, 但入口都系好好食的。
(较极都较唔到张相转90度角-.-) 朱古力火锅的生果只有香蕉, 不过都明白唔好咁多要求, 本身有得食已经算系惊喜~而且有棉花糖, 雪糕糯米滋, 饼干, 材料已经好足够~感觉好豪华, 用的朱古力亦应该唔系太cheap的货色, 冇煲到起粒粒...食到8:40pm, 经理走过来话10:40pm会改发8号风球, 叫我们尽快叫埋熟食令厨房可以早啲收工, 其他饮品之类可以继续叫~不过对我们而言, 一来大快朵颐后本身已经好饱, 二来我们亦本著唔好阻人收工的心态, 因此都打算叫埋甜品, 食到9点几就走...果然到9点几已经得返我们呢台客人 (本身星期一人客已经唔多), 当我见到甜品menu冇雪糕 (有咁多款式但冇雪糕都几得意), 经理留意到就即刻话帮我们落埋, 有红豆, 芝麻同绿茶选择...最后食埋雪糕, 今晚的放题完满了, 我们亦成为最后一台离开的客人!
$350($318加一)一位的价钱, 食物选择多而质素理想, 另加饮品任饮, 都算值回票价。虽然今晚因为天气关系而未能够坐耐啲(本身订的时候因为唔限时, 打算慢慢坐倾多阵计), 但天气关系冇办法, 而经理态度又OK, 所以都冇问题。总括而言, 系可以再去的选择!!
题外话/补充资料：
可能因为人唔多的关系, 侍应好快手(除了一开始上菜慢), 会好主动加茶, 清碟等等...服务态度几好。
(以上食记乃用户个人意见 , 并不代表OpenRice之观点。)
张贴
