八麵玲瓏 (已結業)

今日同罗兰士去搞几坛嘢, 搞咗几粒钟, 终于放饭, 开心!由于仲有嘢要倾, 所以要搞个企企理理, 唔太嘈既地方, 好耐之前嚟过, 感觉良好, 故番兜.下午茶时间, 有唔少茶餐选择, 大部份廿零卅蚊啦, 餐饮改特饮之类, 只加几蚊便可, 属于抵.2条友嚟到呢间打正旗号卖面既餐厅都冇叫面, 有种!小弟叫了公司治, 用料丰富, 有火腿, 炒蛋, 煎鸡扒 (走了皮的, 是有顾及小弟的健康吗? 赞!), 蕃茄及芝士. 佢冇加沙律酱, 食落牛油用量亦不多, 属于较清的司治, 相信定必对其用料有信心吧. 唔错, 几好食!红豆沙冰, 不太甜, 一望埋只杯度就知冇偷工减料, 有番咁尚下红豆, 但如能重番d奶味, 咁就好喇!罗兰士叫了:碳烧猪仔骨饭, 佢话个汁味道不俗, 只是个猪仔骨嫌过硬, 见佢用把钝钝的餐刀也切得辛苦. 算是ok吧花旗参蜜, 见佢杯底都有唔少片花旗参, 冇昆人成份. 罗兰士嫌佢蜜度不足, 也是ok之作吧.地方一如印象中的良好感觉, 另外再俾小弟无意中发掘出多一个优点, 就系下午茶时间都有唔少靓靓哋既女仔去揾食, 呢d咪又系醒神啰! 如阁下因此而光顾, 希望这不是小弟偶然遇上的惊喜吧!