八麵玲瓏 (已結業)

小牛拣左$44八面玲珑招牌拉面套餐,我拣左汤面套餐9号竹笙什菌。招牌拉面套餐有四款送,包括鸡翼,炸虾,猪颈肉,蟹籽丸,试过猪颈肉几唔错,肉够淋,但系又好似煎过下,几香!可以拣猪骨汤底或蕃茄汤底, 面就无得拣,一定系拉面,佢将面同送分开上系唔错既做法,而碗面仲有半只蛋,紫菜,粟米,都几丰富,小牛都话够饱!见到佢既鸡翼面头系有粒粒芝麻,应该特别整过…我既汤面套餐拣左蕃茄汤底,手打乌冬,个汤底真系几好味,虽然无粒粒蕃茄,但系蕃茄味重,食完乌冬都仲饮得,真系好似蕃茄汤咁,同埋佢加左一粒粒既白萝卜同红萝卜,又几甜几好味㖞,配料又系有粟米,紫菜,至于竹笙,浸得好淋,无晒味,麻麻地啫,但系什菌好好㖞,量又多款又多,有冬菇丝,金菇,其他我唔知名既菇,反而乌冬令我失望,因为餐牌话系手打,但系食落唔似,似现成,又唔系特别滑或者点,仲无啦啦系我碗乌冬度加左料,有几条菠菜面… =.=加多个$35什锦拼盘,不过全部系炸物,有咖喱角,炸虾,春卷,比较特别系芝麻球,好似迷你煎堆咁,埔满芝麻,原来里面系红豆蓉,几得意呀!