海南雞公主 (已結業)

周六为家人充当柴可夫于上环买海味，泊咗喺街边等待时，居然俾小肥发现咗间门面极出众o既「海南鸡公主」。眼见午餐要等大肥收工后成两点先有得食，所以就走咗入去八八。原来小店由泰国公主Maya小姐开设，女主人咁标致，当然亦要用上自己个靓样作生招牌啦，起码第一个已吸引到XO仔望多两眼！餐店主要做外卖，但室内都有六至八个拍窗及拍墙o既散座。四周用上花朵及蝴蝶装饰，女性化得黎流露著大自然气息。两边墙身都可见到萤光幕餐牌。如有需要亦可向美少女姐姐索取餐牌。落单只需填写点菜纸，简单易明。公主海南鸡饭（$62）：海南鸡饭套餐以四格便当盒上，左上角起逆时针分方向分别为自选黄金鸡油饭、公主海南鸡、公主沙律及甜品，简洁卫生。每客海南鸡饭均配备筷子同胶羮，并可免费从三款酱汁中拣选两款。细佬就拣咗微辣酸甜o既海南鸡酱同香浓惹味o既姜葱酱。公主沙律以生菜垫底，拌上柚丝更觉清新醒胃。公主海南鸡皮光肉滑，鸡皮上一条鸡毛都唔见，食得极为安心。已去骨o既鸡肉软腍幼嫩，公主级果然有料到！鸡油饭犹如其名般金黄鲜美，饭粒软熟润泽，连同点上海南鸡酱o既公主海南鸡食，确真可口美味。甜品椰汁大菜糕上层雪白、下层半透光，微甜香滑富弹性，轻