便所主題餐廳 (已結業)

有人请食饭,终于等到两个月后既今日,一行四人去了阿妈好抗拒既便所餐厅.佢由搭车讲到落车,要我地挟佢先肯去.唉,做乜要咁辛苦者!上到去有两间餐厅,两间都好多人等位.我起店外映0左几张相,好快就入得~坐起个厕所上面食野,心情兴奋.不过就当然唔好坐啦,都唔望好食得去边.平常心吧.是日晚餐:- 什锦火锅>> 即系果个屎塔.黎到就觉得好呕心...加埋杯野饮,仲要蓝色瓦厕,又尿兜咁,系完完全全同公厕合二为一.味道真系有待改善,冇味,又细.唔知点送埋碗饭... 墨汁大虾天使面>> 个面ok, 唔会太林,个墨汁味又够浓.不过要成60~70蚊,贵左d啰,冇咩俾人食者~ 牛展捞面>> 牛展同卤蛋都好味, 个面好似捞丁. 鸡肉千层面>> 芝士唔够浓, 鸡肉又少,好一般. 蜂蜜绿茶>> 偏甜,唔好饮.阿妈已经忍受了差不多两小时,并叮嘱大家唔好食个屎屎雪糕.不过我对冷冻食物一般.主题餐厅一次就够了!