龍記燒味茶餐廳

营业中

休息中

今日忙到甩辘咁滞，啲会一个接一个，晏都无时间食。所以求其喺公司楼下间龙记食个快Lunch再番上去做嘢。一坐低即刻嗌咗个茶餐，多士奄列，雪菜米。茶记果然系最有效率嘅餐厅，唔驶5分钟，所有嘢已经嚟齐。多士佢系俾丹麦酥，咬落去好松化同有淡淡嘅甜味，可惜呢排戒紧口，所以食咗一半就要摆低。奄列唔系就咁火腿奄列，入面除咗火腿之外仲有洋葱同磨菇。食得出系即煎而唔系整定，唔错。雪菜肉丝米就正路啦，唔会好好食又唔会好差，合格。由坐低到埋低前后都系用咗十五分钟。赶时间嘅话龙记都不失为一个好选择。