甜心甜品屋 (已結業)

话说今日我同男朋友去睇戏，买完飞仲有成45分先开场，咁我地就去试甜品屋既'炸雪球'，５点半入去，得我地，咁我就拿拿林，叫左个＂炸雪球＂等。。等。。。等到６点个炸雪球都仲未来咁我地睇６点３场，惊睇唔切我就行去问个男员工，个＂炸雪球＂可唔可拎走个男员工又有可能系老细既人，就一口拒绝＂唔可以㖞，公司规定食物唔可以拎走＂但系我系佢间铺都揾唔到，Ｄ食物唔可以带走既字眼咁佢咁讲我就由佢啦，但见到就来６点５分，又好心急，又再行去问下，得未呢？佢话＂要等Ｄ油得先可以炸到！＂但个阵我见佢地几个人好优闲咁系度倾紧计！我真系好想同佢讲，大佬我真系好赶时间！到左６点５分左右，个炸雪球终于炸好啦！但系我地真系太赶，我连仪态都唔理，大啖大啖食，但雪糕真系太冻啦！想快都快唔到！可能个男员工或者佢系老细啦，见我地真系好赶，佢最后拎个外卖盒＂我见你地好似真系好赶，我俾个盒你地拎走啦＂我心谂你之前又话公司规定食物唔可以拎走！依家你又俾我拎走，唔通你系老细？！无可否认，佢地既炸雪糕比出面好味，但$35 咁既质数系应该既，不过最唔满意就系等既时间，比出面铺真系耐好多！或者呢个就系佢地好味既原因挂！如果再下次有机会同朋友去食，