影片
更多
2024-10-03
270 浏览
今日公司聚会嚟咗呢间泰国餐厅食午餐。餐厅环境好靓，装修满满泰国风情，好有泰国feel。我哋6个人点咗好多唔同嘅菜式试吓，每一道菜都好有特色，味道非常正宗。.我哋叫咗三种唔同烹饪手法嘅虾，分别系泰式辣椒膏大头虾、蒜爆鲜海虾同埋泰式生虾。我个人最推荐系蒜爆鲜海虾，佢用咗大量蒜头嚟爆炒，蒜头d香味好劲，仲有啲微微嘅焦香。虾肉吸收咗蒜香同盐味，唔会过熟，保持住鲜嫩同水份。 .仲叫咗三样烧物，泰式盐烧乌头鱼、烧大鱿鱼同埋烧和牛串。烧和牛串比较似系小吃，和牛好新鲜亦都好嫩，配埋酱汁一齐食真系绝配。盐烧乌头鱼一定要配饭食，鱼裹住盐嚟烧，所以会咸d，但配饭食就啱啱好。可能系用烧嘅手法，鱼嘅味道好香，外皮亦都好脆。大鱿鱼就烧到又Q又韧又有劲，必须要配辣椒酱一齐食。.都叫咗一道炒通菜，用马拉盏嚟炒，虾酱嘅味道好重好香，尤其系通菜吸收咗虾酱嘅汁，捞饭一齐食真系好惹味，饭都忍唔住食多几啖。除咗炒通菜，我哋仲叫咗一道泰式炒蛏子。蛏子鲜甜多汁，配埋泰式嘅香料同调味，食完真系有种唔同嘅感觉，好似带你去到泰国咁。.最后仲叫咗两样唔同材料嘅沙律，木瓜沙律清新开胃，青木瓜丝配埋红辣椒，加上特制嘅酸辣汁，味道酸酸甜甜；而酸
.
我哋叫咗三种唔同烹饪手法嘅虾，分别系泰式辣椒膏大头虾、蒜爆鲜海虾同埋泰式生虾。我个人最推荐系蒜爆鲜海虾，佢用咗大量蒜头嚟爆炒，蒜头d香味好劲，仲有啲微微嘅焦香。虾肉吸收咗蒜香同盐味，唔会过熟，保持住鲜嫩同水份。
.
仲叫咗三样烧物，泰式盐烧乌头鱼、烧大鱿鱼同埋烧和牛串。烧和牛串比较似系小吃，和牛好新鲜亦都好嫩，配埋酱汁一齐食真系绝配。盐烧乌头鱼一定要配饭食，鱼裹住盐嚟烧，所以会咸d，但配饭食就啱啱好。可能系用烧嘅手法，鱼嘅味道好香，外皮亦都好脆。大鱿鱼就烧到又Q又韧又有劲，必须要配辣椒酱一齐食。
.
都叫咗一道炒通菜，用马拉盏嚟炒，虾酱嘅味道好重好香，尤其系通菜吸收咗虾酱嘅汁，捞饭一齐食真系好惹味，饭都忍唔住食多几啖。除咗炒通菜，我哋仲叫咗一道泰式炒蛏子。蛏子鲜甜多汁，配埋泰式嘅香料同调味，食完真系有种唔同嘅感觉，好似带你去到泰国咁。
.
最后仲叫咗两样唔同材料嘅沙律，木瓜沙律清新开胃，青木瓜丝配埋红辣椒，加上特制嘅酸辣汁，味道酸酸甜甜；而酸辣凤爪沙律就更加一绝，凤爪软嫩，拌上酸辣适中嘅沙律汁，酸辣刺激同凤爪嘅嫩滑形成强烈对比。
张贴
