Wooloomooloo Prime

营业中

休息中

公司Team lunch, budget 人头$300，老细就拣咗呢间餐厅，餐厅个环境系好靓，我哋分咗三张枱，每枱四个人，喺窗边位。边食边睇个view真系加分好多。我哋叫咗每人一个set lunch，有头盘主菜同埋甜品，$198都ok.头盘我叫咗个烟三文鱼拼鲜三文鱼他他，好好食，好开胃主菜我自己就食香煎银鳕鱼柳，都唔错，好厚肉，同埋鱼肉唔松散，唔错，但可能对某啲人嚟讲份量会偏少。另外两个主菜就系其他同事食嘅，分别系牛柳同埋大虾意粉，同事就话个牛柳普普通通但都OK嘅，但我就冇试过啦。甜品我就拣咗炖蛋，我自己本身唔系太食得甜，我觉得呢个都好甜，唔太食一个，但个卖相就唔错有同事就拣咗芝士拼盘做甜品，佢就话后悔冇拣炖蛋😂整体来讲lunch set呢个价钱食到依啲嘢，再加埋个景其实都值嘅，我觉得相比起尖东𠮶间分店，呢间嘢食同埋个景略胜一筹。