影片
更多
2019-05-12
107 浏览
今晚同男朋友出嚟睇复联4，睇之前紧系要食个晚餐补充下战力先可以陪住啲英雄三粒钟啦。之前行过女人街见到佢二楼嘅广告都已经好想试，加埋见佢有咁多赞，好奇心驱使下好想知到底有几好食。嚟到附近，有姐姐系咁派传单同招人入去食。我就谂可能地方太隔涉，老板惊人揾唔到所以俾钱请多个姐姐招人姐。入到餐厅，客人唔多，地方都昏昏暗暗咁，职员对客人又爱理不理，冇乜精神咁。男朋友就话「好似伏伏地㖞，真系好食点会晚餐时段都咁静局呀？宜家先7点咋㖞。」既然上到嚟，就试下啦！打开餐牌，啲嘢食唔平个㖞，啲饭平均都60-70蚊，唔包饮品，乜都冇。咁见佢有个饭几特别，叫农家盖饭，乜都有啲，紧系嗌嚟试下啦。肉燥系几好食嘅，唔单系瘦肉，仲有用到连皮五花腩。卤水蛋冇乜味，蛋黄唔够香。盐苏鸡唔知翻炸左几多次，好un咬唔开。只虾都算新鲜，虽然冇话新鲜到有鲜甜味，但起码啲肉冇霉，不过系白烚嘅冇乜味。而男朋友就最保险地嗌左个鸡扒肉燥饭。啲鸡都系炸得太老，有啲干，但炸粉唔算好厚，还可以。最后都嗌左款小食，成日见试网有食谱教整醉鸡卷，今日终有机会试。可能台式同粤式或试海菜馆醉鸡整法同落嘅酒唔同，我唔太识欣赏。我觉得唔够咸同只食到啲酒嘅苦味，
之前行过女人街见到佢二楼嘅广告都已经好想试，加埋见佢有咁多赞，好奇心驱使下好想知到底有几好食。
嚟到附近，有姐姐系咁派传单同招人入去食。我就谂可能地方太隔涉，老板惊人揾唔到所以俾钱请多个姐姐招人姐。入到餐厅，客人唔多，地方都昏昏暗暗咁，职员对客人又爱理不理，冇乜精神咁。男朋友就话「好似伏伏地㖞，真系好食点会晚餐时段都咁静局呀？宜家先7点咋㖞。」
既然上到嚟，就试下啦！打开餐牌，啲嘢食唔平个㖞，啲饭平均都60-70蚊，唔包饮品，乜都冇。
咁见佢有个饭几特别，叫农家盖饭，乜都有啲，紧系嗌嚟试下啦。
肉燥系几好食嘅，唔单系瘦肉，仲有用到连皮五花腩。卤水蛋冇乜味，蛋黄唔够香。盐苏鸡唔知翻炸左几多次，好un咬唔开。只虾都算新鲜，虽然冇话新鲜到有鲜甜味，但起码啲肉冇霉，不过系白烚嘅冇乜味。
而男朋友就最保险地嗌左个鸡扒肉燥饭。啲鸡都系炸得太老，有啲干，但炸粉唔算好厚，还可以。
最后都嗌左款小食，成日见试网有食谱教整醉鸡卷，今日终有机会试。可能台式同粤式或试海菜馆醉鸡整法同落嘅酒唔同，我唔太识欣赏。我觉得唔够咸同只食到啲酒嘅苦味，所以有啲失望。我下次一定唔会再试🙈
整体嚟讲，啲嘢都好贵，价位同绿色台式连锁餐厅一样。但品质同味道，我会情愿去返绿色台式连锁餐厅。
张贴
