影片
更多
2018-08-26
213 浏览
外国鬼仔同事出差过嚟，放工梗系去Happy Hour啦。佢话兰桂坊已去过无数次，上次去仲有啲不快回忆(似系Yo唔到女)，想转吓地方㖞。今次就同佢转战「公民广场」，唔系围晒板唔俾巿民集会𠮶个公民广场，而系九龙站嘅圆方3楼平台 — 酒吧餐厅林立嘅civic square。一上到去就感受到好热闹嘅气氛，企喺圆形嘅平台上，俾餐厅酒吧包围住，中间有个喷水池，环境比兰桂芳靓得多，仲望到维港景色，杯觥交错，好多酒客已经酒酣耳热，同兰桂芳一样都好多外国人。鬼仔就双眼放光，仲未食嘢嘅我就拉住佢直奔 McSorley’s，有朋友话嚟食过牛扒，好正咁㖞～餐厅有两层，有大大个发酵酒桶装饰，好有酒吧气氛，气氛同室外同样热闹，放工嚟到真系身心愉快。【海盐黑椒酥炸鱿鱼$138】头盘先嚟个小食，份量都多，切到细细条容易食。餐牌写系calamari唔系squid，鬼仔话calamari比squid系贵啲同埋柔软啲㖞；食落又真系啱啱好嘅烟韧度，唔怕𡁻到牙骹软；味道亦都适中，唔会多咗海盐过咸，我仲落咗啲青柠汁更惹味，唯一缺点系唔够热，炸出嚟要出晒烟先够香口嘛。【海鲜周打浓汤$85】成碗汤都满晒材料 - 龙虾肉、大虾肉、蚬肉
今次就同佢转战「公民广场」，唔系围晒板唔俾巿民集会𠮶个公民广场，而系九龙站嘅圆方3楼平台 — 酒吧餐厅林立嘅civic square。一上到去就感受到好热闹嘅气氛，企喺圆形嘅平台上，俾餐厅酒吧包围住，中间有个喷水池，环境比兰桂芳靓得多，仲望到维港景色，杯觥交错，好多酒客已经酒酣耳热，同兰桂芳一样都好多外国人。鬼仔就双眼放光，仲未食嘢嘅我就拉住佢直奔 McSorley’s，有朋友话嚟食过牛扒，好正咁㖞～
餐厅有两层，有大大个发酵酒桶装饰，好有酒吧气氛，气氛同室外同样热闹，放工嚟到真系身心愉快。
【海盐黑椒酥炸鱿鱼$138】
头盘先嚟个小食，份量都多，切到细细条容易食。餐牌写系calamari唔系squid，鬼仔话calamari比squid系贵啲同埋柔软啲㖞；食落又真系啱啱好嘅烟韧度，唔怕𡁻到牙骹软；味道亦都适中，唔会多咗海盐过咸，我仲落咗啲青柠汁更惹味，唯一缺点系唔够热，炸出嚟要出晒烟先够香口嘛。
【海鲜周打浓汤$85】
成碗汤都满晒材料 - 龙虾肉、大虾肉、蚬肉、三文鱼同薯仔，每一啖都食到有料。真系好彩只系叫咗一碗汤，原来咁鬼大碗，而且浓汤真系够浓稠，再加上多料，胃口比较细嘅留意，分分钟饮完个汤饱咗一半。性价比高，必点。
【香草煎大西洋三文鱼$248】三文鱼上满满绿绿嘅香草，气味相当清新；三文鱼皮亦煎到脆脆咁，而最正嘅系鱼肉好滑亦好juicy，配柠檬牛油汁就更开胃嫩滑。配菜系烤杂菜，少少烤焦味，正～
【美国顶级12安士肉眼扒$418】主角登场啦！肉眼扒深深嘅格仔烤纹，上面系大片黑松露牛油。本身块肉眼扒油脂已经相当丰富，搽埋牛油食就油香味倍增，咁都不突止，仲可以蘸埋Tarragon sauce，creamy之余会再进一步带出油香味。肉眼扒肉质亦好鲜嫩，鬼仔食完都大赞。配菜系热辣辣嘅薯条，成碟都好邪恶但又真系欲罢不能⋯⋯
饱餐一顿，「公民广场」热闹依然，识趣嘅我就同佢分道扬镳，唔阻佢揾食啦。
张贴
