日和号壽司料理 (已結業)

今日逃工带小魔怪黎megabox 睇戏行街，9楼系餐厅集中地，五花百门无从入手。小魔怪比门口个儿童餐吸引眼球，好啦入去试下，门口望入去见到有架日本巴士咁既一排位置，侍应表示门口有位可坐，但小魔怪非坐入面不可，好啦，等一阵有位，点餐先知原来平日无儿童餐，唔怕，转战寿司乌冬一样啦。点左一个刺身，寿司定食（包一个牛肉乌冬），再点多一份三文鱼刺身比小魔怪。等左一阵就有野食啦，三文鱼刺身有三块厚切新鲜无冰。定食刺身有剑鱼腩2片，三文鱼超厚身2片，一大只赤海虾。大满足寿司有三文鱼寿司，北寄贝寿司，越南虾寿司，两片玉子，一个中华沙律小食同埋两大件鳗鱼卷。小魔怪最欣赏中华沙律。唔大食既以上配搭够晒一大一细食