港畔餐廳 (已結業)

同事升职，请左成team去食buffet，正，仲请左我地食洲际既晚餐buffet。听番同事讲原来洲际做紧promotion，有六五折buffet，唔怪得果日都full house。洲际个buffet系最底果层，一落楼梯就见到落地玻璃，隔离就系星光大道同维港，无得输！净系食景都正！入到去观察下有咩食先。佢有冻品区如海鲜、沙律、寿司等等。有带子、蟹脚等等，好大只嫁！无限refill！又有即制区，会即烧和牛、鹅肝、天妇罗，会排晒长龙。另外都有个细细既热莗区，钟意食熟食既人一定好失望，因为种类好少。佢既甜品区唔会令人失望，d 甜品好多元化，cake好decent，打卡一流。另外佢亦有即制区，又系好多人排队。好，等我讲下我影既食物先。有虾、龙虾同鲍鱼蛋白。龙虾比较硬，难开。建议食鲍鱼蛋白，比较岩懒人。依碟唔洗讲😆超级正，必食鹅肝同翅，都系必食，高质。D cake好靓，必食佢既拿破仑。总结，依餐都食得好开心，个景都好靓。不过依间buffet既食物区较细，种类比同类型buffet较少。虽食物也高质素，但我如果为了食物，会选择比较多熟食的餐厅。