樂天皇朝 (已結業)

睇到好评嘅数量都唔少，而又有六折推广，所以老婆生日同一家人嚟食。上到去原来分开乐天王朝同乐天经典左右两边，我估厨房同厨师都可能系同一班人，只系一边系中式一边系新加坡菜。前菜系花生同栗子，好淋好入味，好快两碟前菜就清佐啦，如果唔收钱真系想叫多几碟食。红油虾抄手都几麻辣好似川菜咁样，个饺子味道都唔错。蟹粉炒饭系俾幅相吸引先至叫，嚟到同幅相分别好大，明明蟹粉系黄色嘅但系嚟到系变咗灰黑色，冇乜蟹膏味同埋太咸，啲饭又吵得唔好，份量又偏少，有啲失望。凉拌海中宝即系海蜇加虾，海蜇几爽脆，哈尔感觉新鲜有啲甜味，酸酸地都几开胃。竹炭流心包真系好流心，个咸蛋黄酱比较浠，但味道都好浓烈，水准之作。蟹粉豆腐个蟹粉问题同蟹粉炒饭一样，其实个豆腐本身好滑好有豆味，但比个蟹粉汁害到。菠萝咕噜肉，唔系半肥瘦肉但系都好有咬口，个汁有点浓，刚刚合格。松子鱼卖相吸引，果汁个味道同咕噜肉一样，打配合好多菠萝同埋其他生果，都算唔错。炸馒头系现场制作，炸得唔错。菜肉春卷有水准，皮薄同炸得刚刚好。八式小笼包你喺呢度嘅代表作，皮薄得来有汤汁，容易夹起唔易穿底，川味几突出，芝士、鹅肝、黑松露等味道唔算突出，原味同蟹粉小笼包都有水准，果