影片
更多
2021-02-10
193 浏览
中午同朋友去旺角攞货，再顺便食晏。攞货附近有间餐厅叫「Go Go Rock」，之前上网见到佢有下午茶时段任食，已经想试。虽然今日唔系，但见啲午餐都好抵食😄，所以决定帮衬。一入餐厅，经理就非常热情招待，佢哋仲好有防疫意识，客人坐低前会再次消毒枱面。环境正正常常啦，感觉有啲似港式酒吧餐厅🎸，因为色调偏暗加用上黑白色地砖，不过都称得上好整齐。餐厅有做午市套餐，共六款选择，每款均可以自由搭配饭、意粉或薯菜。价钱介乎$58至$98不等，免收加一服务费。主菜以外，仲有汤、沙律同饮品，咁多嘢食绝对称得上系一个完整嘅「套餐」🍽。套餐嘅沙律唔系求其比几条菜你，而系设置咗一个自助沙律吧比客人自取，该区域仲要好干净！沙律款式比想像中多🥗，而且仲会补充。虽然餐牌写每人只可拎一次，但我相信你真系好想食，佢都唔介意你再攞。我哋每款都夹咗啲试吓，包括自制凯撒沙律、螺丝粉、蛋、车厘茄同粟米青瓜等。当中嘅德国薯仔沙律超正🇩🇪🥔，薯仔粒混合洋葱同脆烟肉粒，再夹埋沙律酱同醋，味道微酸又咸咸哋，好想再食啊！不过店员话主菜仲好食，叫我哋收手先。是日餐汤亦大有惊喜，颜色似粟米南瓜汤，但饮落会发现浸味好特别，从未饮过。我哋真系饮极
中午同朋友去旺角攞货，再顺便食晏。攞货附近有间餐厅叫「Go Go Rock」，之前上网见到佢有下午茶时段任食，已经想试。虽然今日唔系，但见啲午餐都好抵食😄，所以决定帮衬。
一入餐厅，经理就非常热情招待，佢哋仲好有防疫意识，客人坐低前会再次消毒枱面。环境正正常常啦，感觉有啲似港式酒吧餐厅🎸，因为色调偏暗加用上黑白色地砖，不过都称得上好整齐。
餐厅有做午市套餐，共六款选择，每款均可以自由搭配饭、意粉或薯菜。价钱介乎$58至$98不等，免收加一服务费。主菜以外，仲有汤、沙律同饮品，咁多嘢食绝对称得上系一个完整嘅「套餐」🍽。
套餐嘅沙律唔系求其比几条菜你，而系设置咗一个自助沙律吧比客人自取，该区域仲要好干净！沙律款式比想像中多🥗，而且仲会补充。虽然餐牌写每人只可拎一次，但我相信你真系好想食，佢都唔介意你再攞。
德国薯仔沙律
7 浏览
0 赞好
0 留言
黄姜忌廉汤
5 浏览
0 赞好
0 留言
香煎韩国猪鞍扒配苹果烧汁
$72
7 浏览
0 赞好
0 留言
安格斯牛仔骨配黑椒汁($98)，我哋落单时问店员牛仔骨会唔会好大份，佢拧头🙅🏻♂️，点知系呃我哋啰！因为牛仔骨仲大件过猪鞍，似牛扒多啲，我本身预期系串烧薄薄哋𠮶种。🐮牛仔骨就属正常水平啦，黑椒汁亦然，🦴近骨位嘅肉质较韧，但口感都唔柴嘅。我哋两款主菜都系拣咗配薯菜，除咗大大球蕃薯蓉外，仲有烧茄子🍆、冬菇、蕃茄🍅同翠玉瓜等。
肉酱阔条面配温泉蛋
$48
8 浏览
0 赞好
0 留言
巴黎牛油蘑菇焗田螺($68)，好耐无食过田螺，估唔到呢度都有卖，造型仲要好精致，因为带有牛油香嘅田螺放喺蘑菇上面🍄，一次过食到两款滋味。而蘑菇下低亦有大量蕃薯蓉，但食到尾真系太饱，食唔落。
饮品方面，我哋都要咗冻柠檬茶，店员再次强调呢度好抵食，因为嗌冻饮都唔使加钱，哈哈😆。冻柠茶好大杯，有好多片柠檬，唔太甜，茶底亦唔涩。
题外话，钟意食生蚝嘅人嚟呢度可能好开心，因为好似好抵食，$124有半打蚝同两杯酒🥂，不过就唔系我个范。
总括嚟讲，先唔好讲我哋点解咁痴线、可以咁好胃口🙈，食得落嘅先决条件系要好食🤤！今时今日咁嘅价钱食到咁大份午餐，仲要有靓嘅摆盘，去边到揾？我哋甚至怀疑搞手系咪只求打个和😅。另一边厢，每一位店员都非常好客，会主动介绍菜式，仲帮你谂埋点嗌最好。食个午餐都咁好招呼，称佢为六星级服务都唔夸张👍。基本上我哋都好满意，但有样嘢我一定要挑剔，就系呢度嘅薯蓉系用蕃薯整成，而唔系真·薯仔Potato，好失望啊。因为我系一个超级薯仔控，但又好唔钟意食蕃薯🍠，我唔知系餐厅特色定点，下次再嚟要问清楚！不过我都系讲笑，废Up个人口味啫。小店用心经营，绝对值得推介🌟！
张贴
