爆丼屋 (已搬遷) 新店位置

平日去都爆丼屋门口，都会见到有几十人排队，都唔知要排到几多点，所以一直冇入去试。寻日，见时间尚早，大约五点半去到门口见到唔使排队，就去试吓。但原来入面都已经坐到full full地。一入到去，座位都几迫下，再见到份满有经历的Menu完全覆盖着我的餐具，有轻度洁癖的我，已经即时扣晒分。再见到隔离枱叫咗份三文鱼火山盛丼，有点觉得伏伏地（佢地最后系食剩一半的）。望住个Menu，同男朋友都不约而同选择了北海丰盛丼。里面有海胆、赤虾、带子、三文鱼子同炙烧左口鱼裙边。刺身都尚算新鲜，但略嫌带子薄了一点。不过，炙烧左口鱼裙边绝对有惊喜，有少少烧香左味道，口感食落都唔错。真系好彩冇叫错野食八卦的我不忘周围望下周围的人食d咩，见到个烧鳗鱼盛丼都几多人食，同埋都几吸引，如果下次再食呢间，都应该会试吓。