影片
更多
2016-03-22
1111 浏览
韩国菜算叫做食唔少，但亦唔算好多，不过，正正式式食韩式炸鸡就今晚叫第一次喇。献身第一次嘅炸鸡店就喺铜锣湾百乐中心楼上唯一卖韩国嘢嘅Sodam Chicken，点解拣佢？都喺问过好几位老友嘅推介 。人气不愧为人气，门口有人等位，就知里面有几爆，见好几个客无订位就走上嚟，虽未至于食闭门，但就唔知几时先有位俾到佢哋喇。堂座呈L形，所以，地方一啲都唔细。环境装修简约得嚟几骨子，一边白色仿砖墙，一边浅木墙身，昏黄嘅灯胆配聚焦石英灯，灯光柔和却又唔会太暗，方便我哋依类又食又影嘅人 。较入位置嘅地方，更以大电视不断播放K-Pop MV，热歌热舞，令气氛更轻松。店内有2人位、，4人位，有小圆枱，亦有卡位。如果爆场，又唔介意坐吧位，入座嘅机率高好多 。餐牌印刷几精致，简简单单只有几页纸，菜式以精简为主，一页5款炸鸡（$168-$188），一页5款焗鸡（$158-$188），再嚟就喺唔同种类嘅韩式美食，如鱼串汤锅、小食拼盘，更不乏多种饱肚之选，如韩式年糕、薄饼、部队锅……等等，唔使担心只得炸鸡食唔饱。正所谓「工欲善其事、必先利其器」，食炸鸡揾手拎住食就最过瘾，要卫生又唔整污糟只手，店家已提供胶手套俾
人气不愧为人气，门口有人等位，就知里面有几爆，见好几个客无订位就走上嚟，虽未至于食闭门，但就唔知几时先有位俾到佢哋喇。堂座呈L形，所以，地方一啲都唔细。环境装修简约得嚟几骨子，一边白色仿砖墙，一边浅木墙身，昏黄嘅灯胆配聚焦石英灯，灯光柔和却又唔会太暗，方便我哋依类又食又影嘅人 。较入位置嘅地方，更以大电视不断播放K-Pop MV，热歌热舞，令气氛更轻松。店内有2人位、，4人位，有小圆枱，亦有卡位。
如果爆场，又唔介意坐吧位，入座嘅机率高好多 。
餐牌印刷几精致，简简单单只有几页纸，菜式以精简为主，一页5款炸鸡（$168-$188），一页5款焗鸡（$158-$188），再嚟就喺唔同种类嘅韩式美食，如鱼串汤锅、小食拼盘，更不乏多种饱肚之选，如韩式年糕、薄饼、部队锅……等等，唔使担心只得炸鸡食唔饱。
正所谓「工欲善其事、必先利其器」，食炸鸡揾手拎住食就最过瘾，要卫生又唔整污糟只手，店家已提供胶手套俾大家随意使用 ；食完炸鸡一大埋骨，无问题，两个小型骨筒就喺准备好俾你放骨之用，唔怕搞到一枱鸡骨 。
蜜糖芥末香葱炸鸡 $188 炸鸡中，我哋一致认为依一款最有特色，加上落单前见有客人已点，大大碟好有气势。鸡件炸得金黄，淋上自家调和嘅蜜糖芥末汁，再撒上大量大葱丝，色香诱人。炸鸡就当然要趁热食，入口外皮故然脆卜卜，鸡肉亦够晒嫩滑多汁 ，皆因小弟一起手就食鸡锤先，不过，表姨生女爱食鸡胸，佢话鸡胸啲肉都唔嚡，亦唔会炸到「干争争」。
蜜糖芥末香葱炸鸡
$188
33 浏览
1 赞好
0 留言
将蜜糖芥末汁连香葱夹炸鸡食真喺一流，而啲汁会泻晒落碟底，将炸鸡沾满蜜糖芥末汁，个朕甜蜜搭少少芥末辣味，真喺越食越过瘾 。一客鸡有齐鸡锤、鸡翼、脾位、鸡胸……等等，大可以各有所好。
首尔风味焗鸡 $158 试完个滋味炸鸡，焗鸡嘅水准又点先？卖相就无炸鸡嚟得咁震撼，以藤篮盛载，但份量一样十足，并配上一小碟拌酱。焗鸡无论感觉还是入口，都无咁热气，虽然喺焗，出嚟嘅效果都金黄富光泽，色泽均匀。食完都唔喺太知「首尔风味」即喺点，似一般原味嘅焗鸡，尤幸皮脆肉嫩，带点焦香；附带嘅拌酱初时以为只喺一般嘅沙律酱，嗒落咸咸哋，又有啲蒜香，再问问店员，原来喺蒜蓉芝士酱 ，果真几特别，几惹味。
芝士白汁年糕 $120 饱肚嘢拣咗年糕嚟垫式，其实因为两份鸡都好足份量，食完都有7乘饱，加上依客年糕确实唔喺嘢少，所以，食得我哋非常饱。碟年糕好似「猪肠粉」咁样，挂满芝士白汁，个汁又几香浓，年糕烟韧有咬口，配少少韩国泡菜，食味不俗，唔觉唔觉又被我哋食得晒 ！
芝士白汁年糕
$120
55 浏览
1 赞好
0 留言
食炸鸡首选都喺配啤酒，不过，我哋几位都唔喺好酒之人，但点都要杯冻饮嚟衬吓炸鸡先够爽。饮品选择一页过睇晒，有啤酒、真露鸡尾酒、无酒精鸡尾酒、梳打及汽水。
菊花蜜特饮（Kiss Me Honey）$58 何谓特饮？就喺加入梳打嘅菊花蜜，味道清甜，渗出菊花清香，感觉天然清爽，相信消腻解热有一定作用吧！超级大杯，够晒由头饮到尾，而且，大大朵菊花，虽然喺假嘢，但令个卖相绝对好抢眼。
提子特饮（Passionate Love）$58 另一杯提子特饮以一支彩虹雪条做装饰，色彩迷人，更大可放心食落肚。提子味嘅梳打，同样入口清爽；不过，为切合饮品嘅主题，大可以一串去核去皮嘅冰提子代替彩虹雪条。
蜂蜜柠檬绿茶 $38 本来仲有一款苹果特饮（Seoul Sweet），点埋就可以试齐3款无酒精鸡尾酒特饮，可惜，今晚提供唔到，故此，小弟就拣咗杯既开胃，又润喉嘅蜂蜜柠檬绿茶。蜜柠沉晒底，记得搅匀先好饮！入口冰凉爽快，配炸鸡一样唔错。
温馨提示一下，遇着繁忙时段用餐，时限为90分钟，我哋就啱啱好个半钟搞掂晒！
晌商业社会上，啲人成鬼日耍手段，出埋啲阴招，正所谓「兵不厌诈」，小弟就最鬼憎，老实讲，你无料先要耍阴招啫。我依等嘅饿兵，就从来唔搞咁多嘢，讲到食一样唔会讨厌啲「唔健康」嘅炸嘢，况且，今晚啲炸鸡做得确有一手，所以，喺同做人无关嘅兵不厌「炸」 ！
张贴
