影片
更多
2020-10-02
1680 浏览
朋友知道我钟意睇波，但唔知道我钟意边队😅，竟然带咗我去阿仙奴兵工厂主场...，好彩我唔算系疯狂球迷，而且只系嚟食饭，唔系睇波，就无所谓啦。餐厅名叫「Lockeroom Dining」，一入到去果然见到球衣⚽️，仲有唔少球迷，因为佢哋都著住波衫，哈哈。星期日餐厅好满座，老板话特别座卡位就走，问我想唔想坐，实想㗎，咁就等多几分钟啦😜。座位好正，好似一个小小嘅私人空间，而且坐落一啲都唔窄，仲有阿记吉祥物同咕𠱸添。虽然餐厅系以足球做主题，但菜式系普通嘅西餐食物🍽，即系意粉同扒类等。晚市有做套餐，选择有成十八款，好夸张！价钱正常啦，扒类就稍为贵啲。是日精选沙律，🥗沙律唔太吸引，因为系一堆菜而已，比较特别系加咗爆珠；黑醋汁另上好处系落多落少自己选择。以玻璃樽装住沙律系几有噱头，但比起普通碟应该较难清洁🧽...。是日餐汤及蒜香牛油法包，餐汤系🎃南瓜忌廉汤，味道正常，个云石纹杯几靓。反而面包就几有惊喜，佢并唔系好硬身𠮶啲法包，面包质感松软，牛油蒜香好均匀咁涂满正反两面。主菜出场喇，两款菜式夹啱时间一齐送上。食完前菜后，本身对后续食物期望不太高。点知两样都好高质，好好食😋，份量又够多。店员问我哋系咪Sha
朋友知道我钟意睇波，但唔知道我钟意边队😅，竟然带咗我去阿仙奴兵工厂主场...，好彩我唔算系疯狂球迷，而且只系嚟食饭，唔系睇波，就无所谓啦。
餐厅名叫「Lockeroom Dining」，一入到去果然见到球衣⚽️，仲有唔少球迷，因为佢哋都著住波衫，哈哈。
星期日餐厅好满座，老板话特别座卡位就走，问我想唔想坐，实想㗎，咁就等多几分钟啦😜。座位好正，好似一个小小嘅私人空间，而且坐落一啲都唔窄，仲有阿记吉祥物同咕𠱸添。
虽然餐厅系以足球做主题，但菜式系普通嘅西餐食物🍽，即系意粉同扒类等。晚市有做套餐，选择有成十八款，好夸张！价钱正常啦，扒类就稍为贵啲。
是日精选沙律
27 浏览
0 赞好
0 留言
南瓜忌廉汤
7 浏览
0 赞好
0 留言
主菜出场喇，两款菜式夹啱时间一齐送上。食完前菜后，本身对后续食物期望不太高。点知两样都好高质，好好食😋，份量又够多。店员问我哋系咪Share食，就随即递上碟仔。绿色碟仔划上足球草地嘅图案🏟，切合主题！
香烧美国Creekstone牛肉眼拼法国鹅肝
$228
17 浏览
0 赞好
0 留言
牛扒我哋要咗七成熟，🥩厨师将火候拿捏得好好，肉身呈嫩粉红色，牛味浓郁又多汁。另外，肉眼扒亦无多余嘅筋位或肥膏，基本上成件都可以呑哂落肚！
低温煎焗挪威三文鱼柳蘑菇香槟汁
$178
18 浏览
0 赞好
0 留言
而蘑菇香槟汁亦为呢道菜画龙点睛，不过先唔好预期佢有酒味🍾，反而我会觉得佢系较浓郁嘅忌廉汁，但好鬼惹味呢。两道主菜嘅伴碟均有南瓜蓉同羽衣甘蓝。
主菜食饱饱，当然唔少得甜品，凡惠顾晚市套餐就可以以六折优惠加配主餐牌嘅甜品一份。计落都几抵👍，因为甜品原价都唔贵。
即焗梳乎厘班戟
$78
8 浏览
0 赞好
0 留言
班戟有两件，每件嘅圆形直径唔大，不过就非常厚，大约有吋半至两吋高。班戟咁高系因为佢超级松软，并且留意番佢并无出现入面蛋白糊唔熟、湿重重嘅感觉。最特别系食落有少少柠檬味🍋，呢个班戟真系必食推介。伴碟有球雪糕，但主角嘅光芒已经遮盖一切。
意式芝士蛋糕杯
$58
4 浏览
0 赞好
0 留言
我个人比较钟意食切饼多过用杯装嘅提拉米苏，感觉正宗啲、靓啲，亦唔会受到杯嘅局限。呢度嘅出品系用上Mascarpone Cheese，但未算细滑。咖啡味☕️集中喺底，无乜酒香，但有咖啡啫喱垫底，加番啲分。
饮品方面🥤，我哋要咗冻泡沫咖啡同冻红枣茶，估唔到红枣茶都有得冻饮，仲要几浓味下！
餐厅每个角落都渗透咗足球嘅主题，包括以球员闪卡打造嘅墙身，感觉好震撼😳。另外，餐厅入面亦好似有个包箱房间。
总括嚟讲，估唔到餐厅嘅食物咁出色💯，主菜同甜品都劲高质，前菜同汤就普普通通啦。食物以外，店员服务亦好好，主动帮我哋影相，控制上餐速度适宜。呢度绝非球迷限定嘅好去处！
张贴
