Lockeroom Dining (朗晴坊) (已結業)

身边总会有个英超球迷，呢间餐厅以阿仙奴做主题，餐厅入面有好多球队嘅签名球衣同历届球员嘅收藏卡，作为兵工厂球迷一定会好开心！欣赏完餐厅布置后再望下餐牌，食物选择相当之多，想锯扒得，食下意粉又得，Set Dinner都几抵食，一个价钱包左主食+沙律+餐汤+蒜香牛油法包+饮品！同朋友一人叫左一个套餐～▪️蒜香牛油法包🍞点完餐随即送上餐包，蒜味香，烤到脆脆地▪️沙律🥗个盅入面有沙律菜、车厘茄、黄椒、红椒，配上黑醋汁，自己钟意落几多就几多～▪️餐汤 南瓜汤热辣辣，饮到南瓜蓉，口感唔错▪️白松露烧肉汁烩鲍鱼美国鸡脾扒🐓主菜送上枱时香气扑鼻，松露味劲香！酱汁浓郁，啖啖肉都食到松露味！鸡脾扒估唔到咁大块，肉质好嫩！鲍鱼都几大只，好弹牙，好好味！配菜都好丰富，有薯蓉、蕃茄同羽衣甘蓝，非常丰富！▪️西班牙黑毛猪柳拼北海道元贝🐖猪柳都系好大块，肉质好嫩，又够juicy，整到好香口，外层有面包糠，所以食落有层脆脆地嘅口感，仲附上洋葱汁，点埋食更香口，但我觉得就咁食都好够味！粒元贝烧到好香好好味～同样伴碟都有薯蓉、蕃茄同羽衣甘蓝，份量十足，男士都会够饱啊！