黑鉄屋 (已結業)

湾仔见完客时间尚早，早早地食个晚餐啦。食拉面既铺头通常都细细间，座位少但系有份温馨感觉。主要有四款，分别以隐、黑、金、铜兵卫命名。前菜有d渍物，青瓜同海带酸酸地好开胃。我就食个特别啲既金仔，系豚骨汤加辣肉酱，有得加料就梗系要加菠菜啦！汤头好味，唔会觉得渴，但对小姐黎讲有点太辣，玉子半熟流心很不错，两片豚肉肥瘦适中，下面一流。小食方面叫左个明太子鸡翼，香香脆脆都唔错。惹味～质素都唔错呀，价钱中上，不过果日唔知系咪比较凉，无开冷气，开住左个门，所以好多蚊飞左入黎，我谂店主可能都要留意下。