茶木‧台式休閒餐廳 (已結業)

今次叫咗菠萝咕噜肉饭、红烧牛肉面、冻嘅水果茶。之前好钟意食𠮶个芝麻酱捞面，已经冇得卖啦！菠萝咕噜肉饭入面有好多唔同嘅生果，例如菠萝、士多啤梨、火龙果，感觉好似好健康。味道都唔错，而且配餐嘅时候有得送甜品，佢有五款唔同嘅甜品，今次就拣咗佢嘅signature，其实系一个朱古力味嘅蛋糕，啲朱古力都几好食味道唔错。红烧牛肉面都系一个经常叫选择，其实个人本身麻麻哋钟意食牛肉，不过茶木嘅牛肉比较淋，所以都可以食，佢嘅汤底同埋个面都真系几好食。当然唔少得冻嘅水果茶啦，入面真系好多水果，仲有一粒梅，令到成杯野好饮左好多，都系一个必饮嘅推介！