麵麵店 (已結業)

其实经常都会帮衬面面店, 因为以车仔面黎讲, 面面店真系有质素, 而且有我好钟意饮嘅山渣冰同紫贝天葵我最钟意食佢嘅饺子, 皮薄料多, 仲有比较少见嘅沙葛饺同辣菜脯提供。另外佢有姜酒汤底拣, 够特别。所以我都经常介绍身边嘅朋友去试, 今日又带咗朋友黎试, 朋友都好满意。 今次叫咗一份车仔面, 猪杂捞面, 虾多士同煎酿三宝。依间店唯一唔好嘅就系有啲𩠌好快会卖晒, 本身想食河粉不过卖晒, 所以就叫咗米线, 𩠌方面就拣咗墨鱼卷同埋我每次都会叫嘅麻辣莲藕, 鱼肉春卷,沙葛饺。汤就当然有拣姜酒汤底, 再加劲辣汁。(不过提醒大家劲辣汁真系劲辣, 如果唔食得辣真系唔好加或者落单个时叫佢加少少算)四𩠌车仔面 墨鱼卷中规中矩, 麻辣莲藕必食辣辣地又爽口, 睇得出餐厅有严选过。鱼肉春卷都系车仔面比较少见, 都好好味。沙葛饺真系诚意之作  皮薄, 入面有好多沙葛而且加咗少少菇吊味。汤底就真系非常少见，而且食完都无乜口渴嘅感觉，应该真系无乜味精，极度推介。猪杂捞面 - 猪杂好新鲜, 无腥味, 而且味道啱啱好, 唔会太咸, 本人就会加少少辣菜脯捞埋食, 好好味虾多士 - 又系我每次都会叫嘅, 首先包就加咗啲牛油烤