新記煲仔雞粥 (已結業)

好耐无食呢间新记鸡粥，我记得以前食觉得呢度好正，食物选择多，味道又唔错😁。今日经过，突然好肚饿，一于再试下先。好快黎左碟酥炸鱿鱼须 $56，本身满心期待，因为以前好钟意食，好可惜今次真系麻麻地，炸到浓晒，又干又硬，唔好食，失望🙄。再黎一只脆皮乳鸽 $68，再一次失望🥲，肉质好嚡好韧，差D咬唔开，个味本身唔差既，但整得真系太干。香脆炸大肠 $53，怀疑呢度D炸野系专登锻炼牙齿既🤣🤣，同样系炸到好干，无左脆口既感觉，得个硬字😑。鲜虾肠粉 $28，肠粉都可以既，够滑，不过略嫌皮唔够薄。好彩仲有一样野系可取既🤭🤭，今次order 及弟粥 $38，因为其他地方已经好少见到，粥底唔错，好绵有米既香味，加上猪润够爽滑，大碗又好食。我谂黎呢度都唔好太贪心，专心食粥就算🤣🤣🤣。