見見面 (已結業)

上星期去咗一啲社交平台 group推介嘅酸菜鱼，入到去都舒服嘅，冷气就有啲冻啦，叫咗几个𩠌，食落发觉其他𩠌好食过酸菜鱼。炒花菜每一条个花菜边有少少㶶㶶地，够镬气，其他地方都好少食到。回锅肉每块肉都好大片，亦都唔会太干，有水准。莴笋炒腊肉每块莴笋唔系炒到林晒过熟，咬落去仲系爽口嘅，D腊肉味都好出下。可能之前啲𩠌太好食，到最后酸菜鱼上嚟𠮶时发觉酸菜汤就比较冇咁突出，啲桂花鱼系好食。仲有两个前菜系凉粉同埋夫妻肺片，食得太快唔记得咗影。全张单食咗六百几蚊三个人，如果我下次再去嘅话可能唔会叫鱼，可以试吓其他小炒。