影片
更多
2021-01-26
1851 浏览
上星期到城中鸭子食午饭，餐厅装修时尚，而且设透明厨房，客人可以见到烤鸭炉以及师傅片鸭。当日一行四人，叫咗六个菜式，浓淡各半，整体食物质素不俗。🌟烤北京填鸭(半只)餐厅叫「城中鸭子」，招牌菜固然系片皮鸭。上次嚟三个人食一只鸭有啲多，今次就叫半只。先讲鸭肉，好嘅烤鸭应该要做到油香肉滑，鸭皮松脆。当日嘅烤鸭上枱「令立立」，可惜鸭肉太瘦，有啲嚡口，好在片得薄，冇鸭膻，外皮尚算脆。另外饼皮烟韧，配理清爽嘅青瓜、京葱同鸭酱，尚算合格之作，但离好食仲有段距离。🌟田园虫草花炒翡翠苗上网见人推介呢道炒菜，一试就知无叫错。翡翠苗翠绿、幼嫩无渣，虫草花带鲜甜的菌香，中和翡翠苗嘅草清味，我好钟意食虫草花所以非常钟意呢个配搭。唯独食到尾时见到碟底成碟油，如果冇咁油腻就更加好啦。🌟无锡灌汤小笼包一笼有六只，小笼包外皮厚薄适中，夹起时隐隐可以见到入面的汤汁，啱啱好承托到汤汁又唔会穿。外皮皱折唔算工整，但尖端位置唔会好厚，师傅手势不过不失啦。猪肉馅料有鲜味，肉质松化。汤汁有大约半匙羹，清清地唔油腻。呢笼小笼包抵食！🌟高纤炒红米饭饭底系蛋炒饭，加埋粟米葱花菜粒松子仁去炒，粒粒分明，尚算干爽松散。细个午膳时嘅饭盒经常白米
当日一行四人，叫咗六个菜式，浓淡各半，整体食物质素不俗。
🌟烤北京填鸭(半只)
烤北京填鸭(半只)
$180
35 浏览
0 赞好
0 留言
餐厅叫「城中鸭子」，招牌菜固然系片皮鸭。上次嚟三个人食一只鸭有啲多，今次就叫半只。先讲鸭肉，好嘅烤鸭应该要做到油香肉滑，鸭皮松脆。当日嘅烤鸭上枱「令立立」，可惜鸭肉太瘦，有啲嚡口，好在片得薄，冇鸭膻，外皮尚算脆。另外饼皮烟韧，配理清爽嘅青瓜、京葱同鸭酱，尚算合格之作，但离好食仲有段距离。
🌟田园虫草花炒翡翠苗
田园虫草花炒翡翠苗
$118
24 浏览
0 赞好
0 留言
上网见人推介呢道炒菜，一试就知无叫错。翡翠苗翠绿、幼嫩无渣，虫草花带鲜甜的菌香，中和翡翠苗嘅草清味，我好钟意食虫草花所以非常钟意呢个配搭。唯独食到尾时见到碟底成碟油，如果冇咁油腻就更加好啦。
🌟无锡灌汤小笼包
无锡灌汤小笼包
$88
31 浏览
0 赞好
0 留言
一笼有六只，小笼包外皮厚薄适中，夹起时隐隐可以见到入面的汤汁，啱啱好承托到汤汁又唔会穿。外皮皱折唔算工整，但尖端位置唔会好厚，师傅手势不过不失啦。猪肉馅料有鲜味，肉质松化。汤汁有大约半匙羹，清清地唔油腻。呢笼小笼包抵食！
🌟高纤炒红米饭
高纤炒红米饭
$118
47 浏览
0 赞好
0 留言
饭底系蛋炒饭，加埋粟米葱花菜粒松子仁去炒，粒粒分明，尚算干爽松散。细个午膳时嘅饭盒经常白米沟红米或糙米去煮，渐渐我亦慢慢习惯咗，甚至钟意红米粗糙嘅口感，所以我觉得呢个炒饭好啱我口味。而且面头嘅琥珀合桃糖脆而果肉干身，起到画龙点睛的效果。
🌟屋里厢咕噜肉
屋里厢咕噜肉
$108
34 浏览
0 赞好
0 留言
唔讲唔知，原来咕噜肉系外国人最爱嘅粤菜。当日嘅咕噜肉外层香脆，非常挂汁，肥瘦适中，松软弹牙。可惜个汁做得唔理想，好嘅茨汁应该系啱啱好包住咕噜肉，但当日嘅茨稍嫌太多，最弊嘅系人工味好重，酸味太呛而冰糖死甜，成碟𩠌败在酱汁。
🌟松子黄鱼 (半条)
条鱼系完整咁上枱，再由店员即席剪开几份。糖醋汁唔再多讲，但条鱼的确炸得唔错，炸粉上得几靓，厚度适中。而且保持到鱼肉滑嫩，外脆内软。
餐厅虽然以鸭闻名，但其他嘅蒸炒炸菜式做得更出色。以呢个价钱同定位嚟讲，食物嘅质素已经系非常可以，值得一试。
张贴
